一對女學生跟一眾香港女學生一樣，平日最愛行街Shopping。某個下午，路經一間名店，兩人發現一條靚裙，兩眼發光：
的確是兩眼發光，左面果位女學生直頭兩眼大到差少少跌出黎，應該表達什麼叫『靚到眼定定』，而另一女生則表現什麼叫『靚到O晒咀』。
眼定定少女想起畢業晚會將至，開口說出希望可以著到這條裙去Ball，無他，因為大把男同學出現。
「買唔起，我識抄嗟！」跟一眾時下年青人只識下載不懂尊重知識產權，少女回家後拿著不同的時裝雜誌抄考，結果畫好了。其母是裁縫，少女當然要問問母親意見啦！
作為家中獨女，一直被寵壞，她當然知道只要扮晒野問阿媽條裙做唔做到出黎，阿媽一定會幫佢做！設計抄番黎，布又唔駛買，零本錢有得靚，果然係香港精神，乜都靠晒人。
結果母親無甩底，真係整好件戰衣俾愛女！愛女一睇心諗：「攪錯呀！都唔同款既！頂！我仲唱開晒話會著件名牌新款去威架嘛！我咁好身材肯定著得靚過眼定定啦！怕乜同佢撞衫？呢舖瘀到爆啦！」可見呢位少女對佢朋友幾好！！
其實，少女並不知道母親的苦心。「生女唔知女心肝，鬼唔知你唔順氣咩？不過抄到咁足，一陣俾人告架衰女，你都知你學校個Ball有幾多記者架啦，死蠢！呢件個款仲靚過名牌呀！」兩母女都咁好戲，你睇？一個扮高興，一個扮滿足，你兩母女不如去拍戲啦！
呢個故事係教導我地，要相信母親，夢想可成真。
咦剪錯片呀？做乜無啦啦放呢個係尾架？快ｄ搵人整走佢啦！
覺得ｄ相好熟口熟面？丫好似同電視呢條片好似咁既．．．
沒有留言:
發佈留言