當時知道有這樣的父母已經極度痛心，認為他們應該獲得重罰，怎料香港也有這樣的父母！女的三十一歲男的廿二歲，每月靠五千二元綜援過活，千二元交租，只留四百元給女兒買奶粉，但各自還留有二三百元來買煙！
就因為要買煙，說沒錢為女兒拿出世紙，但其實是可以免費獲取的；就因為要買煙，明知影響女兒健康，開稀奶粉給女兒吃！結果女兒出生三個月在家中昏迷，女兒就被活生生餓死！
法醫替女嬰驗屍後發現，女嬰眼球萎縮，體重僅及同齡女嬰的一半，剖屍後更發現女嬰皮下及包圍內臟的脂肪幾近消失，除了腦外，女嬰的心、肝、脾、腎及胸腺等重量均輕於同齡女嬰，其中胸腺的重量僅及同齡約三成，女嬰死因是餓死。
不知是幸還是不幸，從某份報紙我看到女嬰被救出的照片。雖然只看到她的側面，但那個皮包骨臉色慘白的樣子，我那一刻是激動，憤怒，難過！你不能想像在香港會有一個三個月的嬰兒落得餓死的下場！
你不想要那個嬰兒，在你懷胎十月期間，你有很多事可以做，可以墮胎，可以生完出黎唔要。生過幾件，莫非對那份十級痛楚已經無感覺？托住多舊肉十個月，覺得煩可以唔要架播！你做乜要俾佢出世？
你地兩條仆街食少支煙會唔會死？係咪忙成咁帶個女去囉出世紙排街症都無時間？然後又賴搵過社署幫手但無幫到你？
都唔明點解要生多個，為領更多綜援？又唔係播，係就應該報俾社署多左個女，應該多ｄ錢啦！連呢樣都懶，你地唔食就得嗟，果個幾個月大，你估真係天生天養呀？
事情經已發生，對呢位小妹妹離世可能比活於呢個家更好，對於呢兩位人渣，希望法官可以對佢對重判！最好入到去餐餐無啖好食，等佢知道肚餓係乜野滋味，另外請將該名女子三名兒子永遠永遠唔好俾佢養，呢ｄ人，無資格做父母！
各位為人父母，就呢件事有乜野啟發？請好好教導子女唔好浪費食物！我好怕有ｄ父母任由子女呢樣食唔晒，由佢；果樣唔鍾意食，由佢！我細個試過因為唔滿意阿媽預備既菜，唔食飯，結果成晚無得食，因為阿爸阿媽落左Order，唔俾阿麻靜雞雞煮公仔麵俾我食，佢地要我知道，你唔食，就要餓！
我相信呢名可憐小天使現時已經有天父照顧，請各位記住，幸福並非必然，有得食唔好成日揀飲擇食！
沒有留言:
發佈留言