台北的展覽：Lino Tagliapietra玻璃之神亞洲展

就係好似一直仲有未介紹，終於望到屋企個Tote Bag，記起喇！是次去台北閒遊之時一如以往去松菸文創，我就當然做定功課知道有無展覽先出發啦，其中有呢一個：琉璃工房主辦，威尼斯玻璃藝術家Lino Tagliapietra亞洲區第一次展覽。

我係非常喜歡玻璃藝術品，所以好多年前都曾經參觀台灣琉園水晶博物館，已經開心到不得了，因為玻璃藝術品變化多端而且永遠有一種清涼感覺。今次係國際大師級，就算要俾入場費，都絕對值得參觀。而我仲介紹當然有原因：展覽展期到明年三月四日。