我的2024廿首廣東歌：廿首以外

有好幾首歌，其實幾唔錯，但又未至於入到廿大。當中，有部份更係「唔好講你估到連我都估唔到我會介紹佢嘅歌。」

有部份歌手，好耐好耐無出歌，再出，製作比以前出色而有心嘅作品，有部份則從自己出發，除了誠意，還有內容。

心在家永在:闔家辣

你有幾耐真金白銀買票進戲院睇香港那些專門為賀歲檔期拍攝的賀歲片？我就好耐無試過，都莫講話針對某某玩爛《家有囍事》呢個金漆招牌再試圖用相同套路但又要合拍拍到唔湯唔水果類你係電視睇都覺得浪費時間既賀歲片，胡胡鬧鬧以為搵多幾個人客串就呃到人入戲院，實質上香港有幾耐無呢一類熱熱鬧鬧開開心心你又唔覺爛既賀歲片出現呢？

本來，今年年初，大家滿心期待兩部原汁香港味既賀歲片上映，不過疫情一來什麼都停擺，然後我地先有暑假檔上映既《闔家辣》，你有冇入場睇？我就睇左，仲睇得又開心又感動。