我的2023廿首廣東歌：下半場

咦？其實我最鍾意邊十隻都係我嘅事，但有同學走嚟DM我話快啲寫埋佢因為佢要整個Playlist跟住聽。

講真，呢十首，好難排位置，第一位更難揀。但我老土少少都要強調，廣東歌並唔係只有排行榜果批，並唔止谷到最多播放率果批，自己去Explore一下，你可能會認識同你真係click到嘅歌手音樂單位。

我的2022廿首廣東歌：下半場

其實若果你咁有興趣睇落去不妨聽聽我揀嘅而你未聽過嘅歌啦。

我一直相信，只要有朋友因為我音樂選擇而多認識不同歌手，都是一件有趣而值得我繼續寫下去嘅原因。

我的2021廿首廣東歌

2021年廣東歌比2020年更多選擇，而我亦繼續聽繼續買繼續聽繼續買（除了唱片還有單曲）。既然如此，當然要紀錄一下，去年我最喜愛我最常聽的廿首廣東歌。

長氣都要講，無公信力，純粹個人去年真係聽得最多又最喜歡，然後發現，咦？乜咁多快歌呀！乜咁多英文歌名呀？ 

自我剖白：陳蕾《Honesty》

沒有個人喜好與偏見是騙人的：所以有些歌手一出道感覺很老土我都比較抗拒，陳蕾是其中一人。不過她這幾年的歌，我都有聽，上一張《1029》也是正價買回來的（又唔知點解咁好彩，後來先知原來好難買），好聽，又唔知點解無寫過隻碟。之後應該是Chill Club見識她唱live：嘩原來此女子亦有可以將其他人的歌唱到自己作品的能力，而且好聽（不過著衫仲有好大進步空間）。

於是，這張收錄近兩年單曲的《Honesty》，我怕買不到啊，正當在面書求救問有冇人去睇演唱會可摸以幫我買，表妹就message了我，於是我當時才買到（雖然後來唱片舖都仲有但近年的法則是，於演唱會買cd一定平過出面）。故事說完，十首歌都是她的曲，很多都是她的詞，還有不同年代的音樂人合作，出現得最多的名字是Mike Orange，輕搖滾有火氣抒情治癒通通都有，而且歌曲編排是有想過的。

《音樂永續2020》私心推介

其實當聽到《音樂永續》我係先潑冷水：喂，你要推動音樂又叫人翻唱？咁，IFPI計劃是咁的：申請者須從大會指定的「銷量曾獲得白金唱片或金唱片的專輯」内合計6231首歌曲中選擇歌曲進行重新編曲、製作及發行。申請者必須是於2019年12月31日或之前已於香港註冊的唱片公司，並於2009年1月1日至2019年12月31日期間曾在香港進行商業發行，或是指定歌曲中的原出品人。成功申請者每首歌曲的錄音預算上限定為港幣六萬八千元，最高補貼額是合符資格製作總費用的90%或港幣六萬一千二百元，以較低者為準，而其中至少80％必須用於僱用至少6名專業音樂製作人員，以錄製及發行有關歌曲。

去年咁環境呢個計劃都應該幫唔少音樂人有工開，共有113首作品推出。嗯，我真係大部份都聽過（聽唔聽得晒就另一回事），的確當中有驚嚇度極高作品又或者好似有人俾錢我入錄音室唱K。不過咁，又的確有好精彩既作品，亦有好多係我未認識既名字或單位。以下推介作品係我真金白銀買左既，睇下岩唔岩你地聽：