其實當聽到《音樂永續》我係先潑冷水：喂，你要推動音樂又叫人翻唱？咁，IFPI計劃是咁的：申請者須從大會指定的「銷量曾獲得白金唱片或金唱片的專輯」内合計6231首歌曲中選擇歌曲進行重新編曲、製作及發行。申請者必須是於2019年12月31日或之前已於香港註冊的唱片公司，並於2009年1月1日至2019年12月31日期間曾在香港進行商業發行，或是指定歌曲中的原出品人。成功申請者每首歌曲的錄音預算上限定為港幣六萬八千元，最高補貼額是合符資格製作總費用的90%或港幣六萬一千二百元，以較低者為準，而其中至少80％必須用於僱用至少6名專業音樂製作人員，以錄製及發行有關歌曲。
去年咁環境呢個計劃都應該幫唔少音樂人有工開，共有113首作品推出。嗯，我真係大部份都聽過（聽唔聽得晒就另一回事），的確當中有驚嚇度極高作品又或者好似有人俾錢我入錄音室唱K。不過咁，又的確有好精彩既作品，亦有好多係我未認識既名字或單位。以下推介作品係我真金白銀買左既，睇下岩唔岩你地聽：
你講你愛我原唱就係Twins啦，當年伍樂城炮製一首百老匯式big band jazz俾佢地的確好突破，Yusobeit呢個版本就變成heavy metal，開波係348式電音，之後就重金屬到盡，部份歌詞唔用唱接近口白，再加上Selene Cheung featuring最後出場串爆扮柔弱既女仔，成首歌又爽又好玩，完全係呢個世代爭仔爭女既態度，本人爆like！唔係玩野，我同你地第一個反應都係：呢首完全係尹光唱既野啦有乜突破呀？就係有！編曲真係值得一讚，變成rock野成首歌唔老土仲好爽，尹光唱又配合到成件事，呢首堅唔錯架！至於果間唱片公司其他作品（仲要出碟！）唔好意思，一係好驚，一係喪悶。李端嫻玩左兩首歌，偏偏唔放全首上YouTube但放佢自己網站。改阿Fi呢首名作變成V記最耍家電音版本，除左佢唱另外仲有把男聲，成件事好upbeat又好似換左第二件衫，唔係Fiona當年果隻少女感覺，變成型爆既歐陸電子風！陳蕾近年真係我好喜歡既女歌手之一，唔止唱得仲要音樂風枱多元又handle到。佢唱片公司安排旗下歌手揀番自己公司作品黎改，佢揀阿王呢首經典，搵黎Mike Orange同Edward Chiu編曲，嘩成首歌變成迷幻又性感，最正當然佢唱得入型入格，完全將首歌據為己有，由頭到尾都咁好味。有人話成件事好關淑怡，我又唔覺，但真係贏盡好多女歌手！我當然唔識Winter Bagles，將達明一派呢首電子作品變成八十年代的士高電子風，再加埋呢個極有心製作果個年代既MV，果真如佢地所講：引爆2020憂鬱核子，希望所有壓抑盡變死灰！好多人都改陳奕迅，盧巧音揀左黑暗中漫舞，黃艾倫與翁瑋盈編曲用上唔少弦樂，成首歌好係盧巧音，氛圍暗黑而憂愁，比起原版輕Rock Ballad來得更傳神。應該係我地太排住Candy既歌聲，呢首，好多回憶湧現。又一位改陳奕迅：黃瑋中主理編曲兼唱，將失戀太少變成R&B，好Moody，而佢把聲好好聽之餘仲好配合呢個版本。原版既Acoustic就好似好年輕人對愛情既感覺，呢個版，應該比較歷盡蒼桑。Sunset or rise亦係我唔認識既組合，一隊男女組合，將陳奕迅《U87》一首sidetrack16月６日晴改編，變成一首男女合唱小清新Rock Ballad，非常舒舒服服，跟原曲感覺都幾唔同。其實呢種R&B對於衛蘭黎講真係十拿九穩，所以Cousin Fung改編陳百強漣漪，唔驚喜，但成件事舒服好聽亦脫胎換骨，三分幾鐘，係非常享受。夠膽改阿菲既流非飛真係唔話得，享樂團將首歌換上Rock味，編曲上帶少少復古感覺，無刻意挑戰原曲玩味感覺，成件事係幾好玩又好聽既，仲自製埋mv就更加值得推介啦！SoulJase改左兩首，我就好鍾意改容祖兒呢首損友，賴映彤呢個編曲係偏向爵士，無intro一開口唱，演繹非常到位，將果份對於呢段稱不上感情既關係果份無奈帶痛地唱出，令呢首原本好K既作品變得好不一樣，男士多左呢個版本去舒發感情！根據渣謙本人講，佢係錄到喊既。蔡健雅拋物線，只可以話，感情上有經歷過，總會聽到擊中感情要害。林家謙用上最簡單既鋼琴去重新演繹，淡淡然，當中果份痛，需要慢慢感受。呢個版本得到原唱嘉許！過左2020年喇，樂壇未死，今年仲有好多好多廣東歌出現水準仲相當高，久不久去我面書留意下，我會介紹我喜歡既作品俾大家！
沒有留言:
發佈留言