2018年10月22日星期一

強颱東京之旅:和牛火鍋放題

唔買旅遊書既我當然要參考人地去過邊度食好野啦,今次食左好多牛,因為我好愛牛,朋友又係,自然搵多幾間唔同款既去食啦!

其中兩間都係涉谷既:首先係和牛火鍋放題,價錢由二千幾Yen到接近五千yen,睇你想食邊隻牛喇,另外仲有飲品與及雪糕甜品,再俾多少少可以隊埋啤酒,一百分鐘任食。餐廳位於涉谷Beam,落兩層就有全層二手cd唱片店,非常岩我!

2018年10月21日星期日

強颱東京之旅:東新宿深夜食堂

雖則曾經話過,希望築地搬之前再去多次,不過講就有實質行動又未有,畢竟工作都已經成日飛。然後有朋友話我知,廉航十一前後出發機票喪平,咁我又無乜所謂試下廉航播。

結果,今次同朋友出遊東京,期間強颱風吹襲,身處東京之時發現香港親朋紛紛問候,而我地又真係平平安安玩足幾日(詳程有機會講講)。好喇,廉航初體驗係唔錯既,俾多幾舊水就可以囉埋20KG行李,飛機快靚正,雖然無電視睇無野食(講到呢度,你帶少少野食上去佢唔話你,你一食薯片話者好高調開餐就有空姐埋黎話唔俾),所以,短途真係絕對無問題既。

2018年10月20日星期六

胡志明的味道:B3 steakhouse

位於胡志明大會堂附近,當然是遊客區,同時亦是本人搵食重點地區。其中愛牛的我,去年首次到訪已經愛上的B3 steakhouse and craft beer,好食程度是今年落機放低行李唔駛諗美味之選。

此店主打紐西蘭草飼牛,而B3=beef, beer and buddies,啤酒當然好啦!仲要多選擇!而且唔訂位通常只可搏吧檯。不過就算吧檯都殺,好食丫嘛!

2018年10月17日星期三

難得的賢妻:我老婆日日都扮死

究竟婚姻是什麼?這個問題很艱深這個話題很嚴肅,沒有標準的答案卻有人能夠用不同的方式去表達他們的想法。滿以為是胡鬧嬉笑的《我老婆日日都扮死》,我是看得很開心的,而看畢電影,那份溫馨感覺與及平凡中的微感動,揮之不去。

這電影源於有日本網民在網上提問:「為何我老婆日日都扮死?」而引發的電影,其實歸根究底問題只有:為何與及如何。用這兩個問題理應很難拍出一部完整的電影,只是導演真的將之借題發揮,探討婚姻為何物。

2018年10月16日星期二

胡志明的味道:Pizza 4P's 與最好吃的Pho

話說,去了第一次去胡志明,同事也好網上介紹也好,都推介一家由日本人的意大利餐廳Pizza 4P's,去年所知只有一家但長期爆,今年,有五家了。

同事帶了我們去吃午餐,這裡據知最出名是Pizza,因為是用窯烤的,很有風味。通常我都會讓同事決定吃什麼,於是,一行三人,我們吃了這些:

2018年10月14日星期日

做個專業的高層

在職場世界,有些人特別擅長打關係,有些則較為實幹。只會賣包裝而欠缺實力是不行的,同樣地,只會實幹等人發掘也太被動,不是人人有這種運氣。所以,兩者一定要取得某個平衡,才能再進一步。

所以,我相信大部分成功獲聘高職的,除了面試了得之外,也有一定程度的實力。只是,正式在位後,要跟不同階層的人接觸與合作。其實無論面對上中下層,都會讓人留下印象的。

2018年10月11日星期四

胡志明的味道:Gyu Shige

其實黎胡志明市,唔一定要食越南菜,因為好多外國餐廳黎到呢度,平到你唔信,而且質素好好,係無理由唔食果隻抵!

今次介紹呢家Gyu Shige牛繁,位於好多好多餐廳既Saigon Centre,日本黎越南開,香港今年都開左(尖沙咀)。咁我一條友去食,食左乜,又最後幾多錢呢?

2018年10月9日星期二

當找到了

都有好一陣子沒有跟這個朋友聚聚。跟他認識都蠻久,喜歡跟他久不久聚頭,談談近況,就算不用常常見面都可以有很多事情可以聊。最近這次見面,從他在餐廳門口走進來,我的直覺告訴我:他一定有些開心事發生了。

我也直接了當地問:「是不是拍拖了?」他笑笑點頭,一切盡在不言中。朋友跟我年紀差不多,之前不是沒有拍拖,只是比較不愉快的居多。於是近幾年看他獨來獨往,又或者應該這樣說,他一個人,活得很開心。

2018年10月8日星期一

胡志明的味道:Bunn.oi

馬不停蹄的我,早陣子到了越南工作,又是胡志明市。工作的緣故,沒有到處找餐廳,有好幾餐都是再吃去年吃過的,反而同事帶我吃我,地道得來又有驚喜。

在Saigon Centre附近有一家叫Bunn.Oi,是一家很家庭式的越南小餐館,位於民居的二樓,就算到了餐廳地下,都要走進去,才找到樓梯上一層到達餐廳。餐廳的裝修雅緻,用餐時完全感覺身在異國。

合家歡餐廳:The Stadium

當有番咁上下年紀,飯聚有時不再是同學之間的聚會,而是同學與家人之間的聚會。成家立室的多了,聚會可能要有個合家歡的地方。住所的Club house可能是不錯的選擇,要出外吃的話就多數要去中式酒樓了,其實有冇其他選擇?

最近到過銅鑼灣The Stadium,完全是發現新大陸:首先男人聚頭睇波是非常適合,又有大電視飲飲食食又唔貴;小朋友呢?餐廳又有小朋友玩樂的東東(例如足球機之類),地方又夠大,好幾個家庭聚會開餐,應該都無問題。

2018年10月3日星期三

馬拉吃中菜:迎客樓

當地同事表示馬來西亞客家菜要食,其實對於客家菜印象一向不錯,所以某日佢地帶左我去一家叫「迎客樓」開飯。

其實迎客樓都唔少分店,勝在價錢唔貴而且味道又確實唔錯,當日幾個人食得非常高興,只係嫌部份男同事實在細食過女士呢下奇怪。

2018年10月1日星期一

嚴重跌Watt的Voice

當我前年喜歡信號喜歡到不得了,不斷叫身邊朋友睇,大部份都話我無介紹錯,去年已經發現有另一套都係查案韓劇《Voice》,由張赫與李荷娜主演,介紹話好緊張好血腥好變態。

今年香港tvN播我終於睇晒喇,頭八集真係好好睇,之後八集跌watt跌到離晒譜。唔好話囉去同Signal比,尾八集既派膠程度真係令我完全唔知講乜好。