話說，去了第一次去胡志明，同事也好網上介紹也好，都推介一家由日本人的意大利餐廳Pizza 4P's，去年所知只有一家但長期爆，今年，有五家了。
同事帶了我們去吃午餐，這裡據知最出名是Pizza，因為是用窯烤的，很有風味。通常我都會讓同事決定吃什麼，於是，一行三人，我們吃了這些：
我先想介紹是這個無記錯應該係薑汁梳打，自家製的薑汁，梳打水另上，非常清新好喝！
我們點了些前菜與沙律的：
以上一定要介紹右上角：Ricotta Cheese Parma Ham Wrap，呢個配搭加埋意大利生菜原來咁得！另外此店Mozzarella Cheese是自家製的，所以這個蕃茄是很高水準的；沙律是意日混合：三文魚牛油果加上Ricotta Cheese及日式醬汁，樣樣都新鮮，dressing調得好好。
係，我太愛意大利粉，所以唔能夠唔點。今次呢個係明太子忌廉意粉，軟硬適中條條都帶明太子味，實在係好高水準既製作！
呢個Pizza係一樣一半：其中一邊係Burrata Parma Ham，最簡單最好食，因為材料夠好，因為麵粉靚，因為烤得好；另一邊係簡簡單單既芝士，都非常好食。
同事仲點左呢個，好似有四定五種芝士，隻味太勁喇，我放棄，但其他人食得津津有味，我相信芝士迷一定好愛。
好喇，去年我就食過
錦麗啦，好食，但湯底都有味精，咁依家錦麗都開到黎香港喇，某晚同事就帶我去佢當地人至愛既，Pho Hoa Pasteur，和粉。
呢間舖頭細細，無乜裝修，一坐低都係成檯薄荷葉九層塔青檸辣椒咁啦：
乜都唔駛講，揀碗特別牛河乜都有，80,000VND，廿七蚊港紙：
先試個湯，喂，呢個無味精呀！鮮甜既牛骨湯呀！已經喜歡！入面既生牛肉，牛柏葉，牛丸，牛展同牛腩，樣樣企理充滿牛味，所以，我只需要加青檸汁（好多好多因為我喜歡），辣椒與及九層塔同薄荷葉，已經滿足到不得了！太好食喇喂喂喂喂喂！
當然，識食就要學當地人，要碟油炸鬼一齊食，浸入湯，完全無法停手呀！
應該仲有餐西餐想介紹下既，畢竟上年都無乜特別寫佢，但又真係好唔錯播！
沒有留言:
發佈留言