胡志明的味道：Gyu Shige

其實黎胡志明市，唔一定要食越南菜，因為好多外國餐廳黎到呢度，平到你唔信，而且質素好好，係無理由唔食果隻抵！

今次介紹呢家Gyu Shige牛繁，位於好多好多餐廳既Saigon Centre，日本黎越南開，香港今年都開左（尖沙咀）。咁我一條友去食，食左乜，又最後幾多錢呢？

 

一個人都有炭爐，而我相信果三支調味料係源自日本，不過由於我點既附上既調味料已經夠用，呢三支，無試過。

 

點左肉，呢兩盤就自動送上。對於蔬菜籃既靚仔新鮮程度，本人讚不絕口；泡菜亦非常高水準。

 

我點左一份澳洲牛，真心得，拍得住日本食既質素（但平好多囉）；另外厚切牛舌，用心燒，好好食，加埋檸檬汁，贏晒。

 

咁食係唔夠飽既，所以，我叫左半打生蠔，另外佢送Shooter。生蠔鮮甜富海水味道，六隻六十蚊港紙，真係無敵抵超高質；旁邊呢個沙律我非常愛，新鮮爽脆既蔬菜配上日本醬汁，全部都食晒。

以上所有加埋呢杯超級無敵大杯既Peach Tea究竟要幾錢呢（Peach Tea我都係覺得Phuc Long係最好飲既）？二百五十蚊左右港紙啦。

咁你明白，我點解要介紹啦。