我的2024廿首廣東歌：一至十位

未公佈頭十首之前，講講有五首入唔到廿大。排名不分先後有：不要忘記沿途風景（許廷鏗）—有一種淡淡的溫暖與放下感覺；再見有時（重逢版）（Sica＆周國賢）—合唱版得出嘅火花係幾估唔到；離合的藝術（梁釗峰）—終於佢用最純粹唱法去演繹一首說書人嘅作品；老積（魏浚笙）— 佢越唱越好，而呢首曲詞又好配合佢年紀；普渡眾生（林家謙）—歌比戲好，只係個人共鳴感唔算好強烈。

咁，睇下我最有感覺十首係邊十首：

我的2024廣東歌樂壇

今年都會揀廿首歌！不過今年想做多少少，我究竟2024對於邊幾位男女歌手嘅歌最有印像。或者當中有你可能錯過，又睇下合唔合你口味。

頒獎禮都係用黎討論，但麻煩自己搵歌黎聽，好唔好合唔合自己口味都要聽過先知，當然最重要真金白銀支持你覺得好嘅歌手啦！

我的2023廿首廣東歌：上半場

其實好早已經揀好廿五首，但一直好忙好忙，又或者，忙完，係希望好好抖抖，所以一直未有動筆。終於今晚乖乖坐埋電腦，開工。

長氣都要講：一切單純個人選擇，而自從有用KKBOX，我都會一直將覺得喜歡嘅歌放入一個Playlist，然後要揀廿首，比較有目標；另一參考，就係自己上年究竟邊啲歌聽得最多。不如講講剛剛入唔到廿大幾首作品：列車上對坐的兩個人—盧冠廷／林家謙、再見寧靜海—陳卓賢、命—藍奕邦、隱型遊樂場—張敬軒、Be Right Back—RubberBand。

我的2022廿首廣東歌：下半場

其實若果你咁有興趣睇落去不妨聽聽我揀嘅而你未聽過嘅歌啦。

我一直相信，只要有朋友因為我音樂選擇而多認識不同歌手，都是一件有趣而值得我繼續寫下去嘅原因。

多謝有一個《林家謙Summer Blues演唱會》

有說林家謙演唱會的票跟買Mirror演唱會的票一樣難，我明，我非常明白。就算有信用卡優先訂購，就算我相信到時有亞洲萬里通換票應該會易少少，不過我都不抱期望。然後想起朋友是相關銀行信用卡的高層，而對方剛好不在港，試試傳一個message問問，他又問問同事，結果，得左。而一路以為我那場8月26日是尾場，然後，加場，然後，一個颱風，那個加場，也不是尾場。

更有趣的是，原本約好朋友一起看，結果他又有朋友買了同場，不打緊，林家謙啊，立即有同學仔應機，於是，這位同學完騷後表示：「真係要好多謝你個Friend」，因為，這個演唱會，太精彩。

請繼續夢遊：林家謙《(Seven)7》

無想過，林家謙咁快開紅館。作為近代能夠跟Mirror匹敵男歌手之一，就算只有兩張唱片加三首自己歌，當然同樣一票難求，但更無想過，竟然一開六場。於是，去年年底推出的這一張《(Seven)7》， 作為一位歌手的第二張唱片，還要第一張是完全叫好叫座，第二張唱片行內都出名最難做。

作為唱作人而且無唱片公司，林家謙明顯沒有什麼「如何製作第二張唱片的壓力」，他繼續將其想唱想作的交出，突破是有的，而且更成功讓自己的Fans因為他而接受不同的林家謙。

我的2021廿首廣東歌

2021年廣東歌比2020年更多選擇，而我亦繼續聽繼續買繼續聽繼續買（除了唱片還有單曲）。既然如此，當然要紀錄一下，去年我最喜愛我最常聽的廿首廣東歌。

長氣都要講，無公信力，純粹個人去年真係聽得最多又最喜歡，然後發現，咦？乜咁多快歌呀！乜咁多英文歌名呀？ 

《音樂永續2020》私心推介

其實當聽到《音樂永續》我係先潑冷水：喂，你要推動音樂又叫人翻唱？咁，IFPI計劃是咁的：申請者須從大會指定的「銷量曾獲得白金唱片或金唱片的專輯」内合計6231首歌曲中選擇歌曲進行重新編曲、製作及發行。申請者必須是於2019年12月31日或之前已於香港註冊的唱片公司，並於2009年1月1日至2019年12月31日期間曾在香港進行商業發行，或是指定歌曲中的原出品人。成功申請者每首歌曲的錄音預算上限定為港幣六萬八千元，最高補貼額是合符資格製作總費用的90%或港幣六萬一千二百元，以較低者為準，而其中至少80％必須用於僱用至少6名專業音樂製作人員，以錄製及發行有關歌曲。

去年咁環境呢個計劃都應該幫唔少音樂人有工開，共有113首作品推出。嗯，我真係大部份都聽過（聽唔聽得晒就另一回事），的確當中有驚嚇度極高作品又或者好似有人俾錢我入錄音室唱K。不過咁，又的確有好精彩既作品，亦有好多係我未認識既名字或單位。以下推介作品係我真金白銀買左既，睇下岩唔岩你地聽：

我的2020二十首廣東歌

又是一個久違了的環節，因為過去一年太過特別，覺得選一選自己喜歡的廣東歌跟你們分享一下也是好的。而首先對於可能質疑我有幾鍾意聽歌的朋友或者可以說少少：我繼續買好多實體唱片，還有付款買單曲，沒有實體的也會課金支持。

至於我接觸新歌的途徑，我沒有聽收音機好耐，全靠網上發現／朋友推介等等，所以，首先自首，我沒有看鄭中基的劇所以那首歌還沒聽，我今天才發現《埋班作樂》然後課金買了來聽，所以，純粹個人喜好，而且所選的，都是有感受的歌。

站起來：林家謙《Major in Minor》

記得第一次聽下一位前度，那時的感情狀態一聽就哭了，還哭得一發不可收拾。歌是這樣，覺得他的歌聲很特別，高音有點偏尖，但這歌，太有印象。然後，聽到了一人之境，這時心態又不同了，覺得這歌很有意思，於是決定一定要買這唱片。

買了，轉成mp3，聽了很多很多很多次，是那種聽完再Loop下去的聽。二十五分鐘的這張唱片，就像經歷愛情最痛的一刻，扮作康復，終於看透，再站起來，是療癒的。後來才知，這張實體唱片只出一批，對於還愛擁有實體唱片的我，更愛這張唱片。