未公佈頭十首之前，講講有五首入唔到廿大。排名不分先後有：不要忘記沿途風景（許廷鏗）—有一種淡淡的溫暖與放下感覺；再見有時（重逢版）（Sica＆周國賢）—合唱版得出嘅火花係幾估唔到；離合的藝術（梁釗峰）—終於佢用最純粹唱法去演繹一首說書人嘅作品；老積（魏浚笙）— 佢越唱越好，而呢首曲詞又好配合佢年紀；普渡眾生（林家謙）—歌比戲好，只係個人共鳴感唔算好強烈。
咁，睇下我最有感覺十首係邊十首：
第十位 間歇性休眠 陳凱詠
曲：謝芊彤 詞：陳詠謙 編／監：蘇道哲
你有冇試過好失落好無助完全唔知可以點做？或許你可以從呢首歌找到共鳴，Jace唱得好唔錯，令到聽嘅更投入。
第九位 拯救我自己 陳慧敏
曲／監：陳考威 詞：林夕 編：黃兆銘
就算係情歌，夕爺總有辦法寫到好到肉：你知道你要振作，但愛過的後遺就是這樣，那種矛盾與痛楚，這首歌，就是這境界。
第八位 風 吳林峰
曲／監：吳林峰 詞：Jim Yan 編：Frankie Yip
寫有關臨終前的心情，有什麼想跟他她他她他說呢？又有沒有什麼遺憾？不是傷春悲秋，而是慢慢放下。吳林峰最誠懇溫暖的歌聲，會讓人落淚。
第七位 我們曾經白頭到老 王菀之
曲：王菀之 詞：陳詠燊 編／監：馮翰銘
套戲就唔好提，但呢首歌，好好好好好聽，一段曾經愛得好深好珍惜嘅感情，知道行唔到落去，果種不捨與淡淡然嘅痛，Ivana都唱到了。
第六位 至少做一件離譜的事 Kiri T
曲：J. Arie / Kiri T / Gavin Chan 詞：黃偉文 編：Kiri T ／蘇道哲 監：Kiri T ／陳考威
青春啊！就是義無反顧地愛，將這種態度與可貴，用上帶點糖衣的包裝去處理，但當中又有種期待，或者就係咁，首歌咁紅。
第五位 SSS Collar
曲：Samuel Lundell / Sofia Stenquist 詞：鍾說 編：SAMDELL 監：T-Ma
鍾說呢首詞真係填得好好！有畫面，有態度，「濕濕碎」用得極好，而旋律編曲正，佢地唱得好有型有Groove，我真係loop咗好多好多次！
第四位 鑿 陳卓賢
曲：陳卓賢 詞：陳詠謙 編：黃兆鉻 監：陳考威
第一次聽係非常驚喜，旋律起伏大，唱得非常好，好在掌握情緒，沉淪、思念、崩潰、失控。非常有畫面！我希望有機會睇到佢唱live！
第三位 無答案 林家謙
曲／詞／編／監：林家謙
我細細個乜都唔識就好鍾意聽歌幻想代入然後難過，呢首當時一出，唔記得因乜事，我loop左好多好多次，心空了什麼，我不清楚，但好似有人陪住。
第二位 回憶半分鐘 雲浩影
曲：Gordon Flanders 詞：陳詠謙 編／監：蘇道哲
每次靜下來聽，閉上眼，就會想起一些人和事，陳詠謙呢份詞好好，Cloud空靈系唱腔好似將聽歌嘅帶回某時某地，好好好好好聽！
第一位 All That I Want 馮允謙 feat. Marf邱彥筒
曲：馮允謙 詞：陳詠謙 編：Nic Tsui 監：T-ma／馮允謙
雖然我知道Jay Fung希望有唔同突破，但始終最合身係呢款！All that I want一出，首先覺得搵Marf合作非常正確，兩人聲線上配合而動聽，都能夠駕駑旋律同節奏！呢首係令我成日想去唱和音，Jay Fung唔好再唱儀態學院喇！
沒有留言:
發佈留言