玩法係咁：我通常每年係KKBOX聽歌，將好聽合心水放埋一個Songlist，咁到我年結揀歌，先揀覺得會入廿大作品，再慢慢排返個喜好程度。今年除左分上下半場出廿首歌，仲有個中場驚喜：我揀左幾首又未入廿大，但又好想大家聽聽嘅歌。
都係個人喜好啦，所以無呢個一個歌手入一首嘅規矩。
第二十位 神愛世人 鄧小巧
曲：林宥嘉 詞：陳銘洋／林宥嘉 編：Perry Lau 監：林家謙大概每個人有各自的低潮，而有些人，總比較難走出來。神愛世人，好像忘記了你，但其實，活著，還是有很多可能。
第十九位 DiDiDiva 阿正
曲／編：何秉舜 詞：林若寧 監：何秉舜／Viki Chan
當你得到何秉寫一首咁有Groove又好跳嘅舞曲，林若寧份詞直頭度身訂做，唱嘅成功將首歌人歌合一，聽得過癮，跟住Un，我Loop左好多次！
第十八位 吃腐肉的鷹 Jer/Ian/Stanley/Tiger @ Mirror
陳蕾交出一首好有火同樣描述社會現況嘅作品，Carl叔叔來一個豐富有型嘅編曲，四子Vocal係出奇地好：Jer無過火而恰到好處，Ian食到首歌個mood而係佢個人作品無出現過，Stanley直頭進步神速，Tiger當然不能忽視，呢首係比起佢地久不久交出來團歌更有火更有靈魂，相信四人都唱得好過癮。
第十七位 唯美本尊 Jeremy@Mirror Feat. Serrini
曲：陳禹丞／梁嘉茵 詞：梁嘉茵 編／監：Ka Shun
Jeremy上年幾首歌係平均地高分，而佢似乎越來越有自信地唱出佢獨有嘅妖，我喜歡Serrini呢個合唱版，將首歌來個西部acoustic mix，唱嘅有火花，比起原版更有趣！
第十六位 我很不愛你 陳健安
你知道你很愛他，你知道他不會愛你，你留在最佳位置，你甘心而快樂，最重要的就是你告訴自己：我很不愛你，我很不愛你。安仔唱到：「我已經 很很不愛 狠狠不愛」，好痛。
第十五位 心後事 吳林峰
有無試過，個人鬱住鬱住，一個人好想喊，做咩事都唔起勁，瞓唔著眼光光。覺得自己無事，無需要搵人傾，唔駛打攪人。其實你已經好唔妥，聽聽呢首，吳林峰嘅歌聲，會勾起你果種經歷嘅情緒。
曲：J.Arie 詞：梁柏堅 編：Perry Lau 監：Perry Lau/J.Arie
第十四位 龍鳳登場 J.Arie
香港其實係一個好保守嘅地方，性小眾莫講不能被接受連講都唔得，仲有易服或者SM等等，合法，佢地自己做自己喜歡嘅事，關你咩事？J.Arie與梁柏堅永遠有驚喜無界限，言之有物，首歌又爽又好跳。
第十三位 月色魔美 Serrini
愛過，受過傷，只要找回初心，接受自我的脆弱，Vulnerability at its best，我繼續做善良勇敢的我。
第十二位 我們只有一往直前 Sica
Sincerity，係我一直聽呢首歌最大嘅感覺，Sica相信，然後唱出來，告訴在任何年紀的我們，選擇了，就唔好諗：如果當初咁咁咁，不如好好活在當下。
第十一位 趁你旅行時搬走 Moon Tang
曲／監：Gordon Flanders 詞：黃偉文 編：Justin Yau
（我必需坦白承認歌詞入面C9呢兩粒字好銀耳）係去年聽左好多次，我係好鍾意Moon Tang嘅唱法，話時話，佢兩位一人一首唱來唱去，究竟復合未？
沒有留言:
發佈留言