我的2024廿首廣東歌：十一至二十位

玩法係咁：我通常每年係KKBOX聽歌，將好聽合心水放埋一個Songlist，咁到我年結揀歌，先揀覺得會入廿大作品，再慢慢排返個喜好程度。今年除左分上下半場出廿首歌，仲有個中場驚喜：我揀左幾首又未入廿大，但又好想大家聽聽嘅歌。

都係個人喜好啦，所以無呢個一個歌手入一首嘅規矩。

我的2024廣東歌樂壇

今年都會揀廿首歌！不過今年想做多少少，我究竟2024對於邊幾位男女歌手嘅歌最有印像。或者當中有你可能錯過，又睇下合唔合你口味。

頒獎禮都係用黎討論，但麻煩自己搵歌黎聽，好唔好合唔合自己口味都要聽過先知，當然最重要真金白銀支持你覺得好嘅歌手啦！

我的2023廿首廣東歌：下半場

咦？其實我最鍾意邊十隻都係我嘅事，但有同學走嚟DM我話快啲寫埋佢因為佢要整個Playlist跟住聽。

講真，呢十首，好難排位置，第一位更難揀。但我老土少少都要強調，廣東歌並唔係只有排行榜果批，並唔止谷到最多播放率果批，自己去Explore一下，你可能會認識同你真係click到嘅歌手音樂單位。

我的2022廿首廣東歌：下半場

其實若果你咁有興趣睇落去不妨聽聽我揀嘅而你未聽過嘅歌啦。

我一直相信，只要有朋友因為我音樂選擇而多認識不同歌手，都是一件有趣而值得我繼續寫下去嘅原因。

我的2021廿首廣東歌

2021年廣東歌比2020年更多選擇，而我亦繼續聽繼續買繼續聽繼續買（除了唱片還有單曲）。既然如此，當然要紀錄一下，去年我最喜愛我最常聽的廿首廣東歌。

長氣都要講，無公信力，純粹個人去年真係聽得最多又最喜歡，然後發現，咦？乜咁多快歌呀！乜咁多英文歌名呀？ 

走一回：Serrini《Gwendolyn》

大概從2020年爆出網絡安全隱患，以為條女玩懷舊電音向九十年代致敬，歌曲大熱，熱到夜場勁播眾星翻唱佢一唱全場興奮；接住越夜越惹禍繼續懷舊電音而且有變化，以為這次真的來一張舞曲大碟嗎？條女又點會咁易俾你估到。

於是，從Profile改名叫Gwendolyn，預告這張唱片會是這位女主角的故事，而之後的派台歌一首又一首竟然出現了不同的感覺，有離愁有甜蜜又有愛情的忐忑，究竟條女玩咩，直到大碟推出演唱會Part 2唱盡所有歌，可能有點眉目。

被感動了：攣攣成人禮

早幾年前工作需要到過紐約兩三次，沒有趁機去看百老匯歌舞劇一直覺得有點遺憾，不過我又的確沒有對外語歌舞劇有特別大興趣，就算那些大熱作品也是一樣。早年看過王菀之與吳鎮宇改編百老匯音樂劇的First Date，流暢度一般而且部份演員真的唔多唱得，最大問題是歌詞由現時那位創意總監負責，改得很粗鄙，所以整套劇給我的印像很一般。

買了Early Bird的《攣攣成人禮》，早前跟朋友一起看。同樣改編自百老匯歌舞劇，整整一個半小時七位演員又唱又演又跳，縱使有些歌詞的確要靠看字幕機才知道唱了什麼（因為有兩位演員同時唱不同歌詞的安排），但看畢是大力拍掌而且感動的，就像我離場時聽到一位女生說：「以為入黎笑下點知會喊既。」

條女真係...Serrini《I'm Fine, thx. 演唱會》

究竟條女有幾紅？都唔好講搶飛搶到痴線（我搶唔到既），周邊無啦啦有我都唔知佢有聽條女既朋友s突然話有興趣睇佢買到飛預埋我（？），等巴士見到側邊果位少女睇ig都係睇mami，然後今次演唱會，嘩，唔好講少，一位無大唱片公司經理人公司既indie歌手，開演唱會竟然有Bvlgari贊助四百萬鑽飾，只係麥花臣咋播！當然啦，近年佢越拍越多雜誌越拍越高檔，已經知道市場上大家對於佢既受歡迎程度，係不能忽視（係呀但佢都係鍾意上得三四點收視果個電視台又唔係年輕人偶像）。

買唔到飛，又無朋友有飛，而KKBOX又無邀請我去（我要努力少少寫音樂先得），多謝KKBOX同KKLive仲有Mami將最後一場安排online直播，當然第一時間課金買飛，星期日晚仲有朋友上黎一齊睇！雖然（應該係因為我屋企網絡問題）有兩三首歌突然有D窒，但無礙興奮讚嘆欣賞整個「I'm fine, thx」演唱會，亦肯肯定相信，若果在現場，應該興奮到模糊，叫到拆晒天，你諗下，我睇完到今日，都仲喪Loop佢既歌，真係好痴線。更加要不得不佩服條女，演唱會前繼續好多好多曝光率繼續去唱繼續主持，典解可以貢勁架喂？

我的2020二十首廣東歌

又是一個久違了的環節，因為過去一年太過特別，覺得選一選自己喜歡的廣東歌跟你們分享一下也是好的。而首先對於可能質疑我有幾鍾意聽歌的朋友或者可以說少少：我繼續買好多實體唱片，還有付款買單曲，沒有實體的也會課金支持。

至於我接觸新歌的途徑，我沒有聽收音機好耐，全靠網上發現／朋友推介等等，所以，首先自首，我沒有看鄭中基的劇所以那首歌還沒聽，我今天才發現《埋班作樂》然後課金買了來聽，所以，純粹個人喜好，而且所選的，都是有感受的歌。

最愛的台北：興奮到模糊Serrini插電音樂會

促成本人有幸在香港被全世界封關（包括我最愛的台灣）之前能夠到台北走一轉，是因為我要看音樂會：最初因為Yo-yo二汶的20200202音樂會，然後一切安排好，又發現Serrini那段時間在台北有演出。

既然那麼好運，我當然不會錯過啦！有一場是女巫店不插電，然後1月31日在後台backstage cafe又有一場，他表示第一場是比較嘈，我就自動選了第一場。

願你我靈巧像蛇：Serrini《邪童謠》

當我loop了《Don't Text Him》好耐，在不同情感狀態找到不同的共鳴之時，Serrini今年推出了全新專輯《邪童謠》，音樂風格非常暗黑，而且題材不再是少女的愛情觀。

很多人叫他Mami的Serrini，大概用這唱片的歌，教導他的gurl，人要長大，學懂在感情世界上保護自己。不過當然不能一點就明，於是，用上好幾個妖精的角度寫了好幾首歌，知道其實成妖就可以很強勢，還可以反過來玩弄別人於股掌之間。

我城的少女心事：Serrini《Don't Text Him》

認識一個歌手都好講緣份與Timing：在at17演唱會聽過Serrini的油尖旺金毛鈴，好鍾意，然後好多人驚訝我未聽過。然後，在Sportify聽了他最新的唱片《Don't text him》，不得了，好鍾意。上網搵答案，知道去邊買到隻實體碟（係，我都係鍾意囉住隻實體碟），打鐵趁熱買了。然後我可以話你地知，呢隻碟係我近排聽得最多既唱片，亦可能係全年聽得最多既廣東碟。

我之後有聽過佢之前兩張唱片（因為新唱片佢有寫過少少之前作品屬於「少女年華日本哀愁小曲」，聽過後發現，若果當時認識Serrini音樂我應該會無乜大興趣，反而到呢張唱片既佢，我是完全clicked。

青春一夜：Girls Girls Girls At17 Live in Concert 2017

即實在我什麼年紀讀開這裡的朋友都知道（舊地盤我連生日都落埋添），所以，說到女子組合，屬於我的唸書年代的是夢劇院，至於At17，那時已經出來搵食，大概是轉了好幾份工試了好幾個行業更加讓自己發完夢的日子，然後開始清清楚楚想過換了跑道的日子，所以，那時應該是迷惘的，而且，還算年青。

就算文筆一般不愛看書的我骨子裡都有少許文青性格，所以對於他們的歌是蠻喜歡的，當然也跟我喜歡達明有關係。他們的歌有青春，學生年代的青春，不是包著糖衣無腦那種而是真實讓你會心微笑的；他們寫戀愛，無論是最初的或者後期的，總或多或少帶來點共鳴，因為他們有些歌曲將感情世界的陰暗面也有道出。今年他們來個重組演唱會，沒想太多就決定要去看，而更加好的是Asia Miles贊助，我可以用里數換門票，繼上次張惠妹之後再一次發現，他們換的票，位置都很正中，非常好。