北韓奇趣錄：愛的迫降

最受歡迎不等於最好其實一直都知，又或者普羅女性觀眾好迷的劇集，本人就未必喜愛，例如早年的《太陽的後裔》，劇情之老土與不合理在第十一集之後實在離X晒大譜，不過，受歡迎的特色是，男女主角靚仔靚女，劇情非常TVB，即係唔駛合理唔駛坐定定睇，至緊要大團圓，一定無事。

於是，年初大爆的《愛的迫降》我前陣子睇完。之前好多人（女性朋友啦）話好好睇睇左好多次一定要睇，然後試過有一次係餐廳聽住幾位已婚女性講到眉飛色舞好浪漫玄彬好靚仔睇左幾次再迫老公一齊睇之類（係，我有同學話俾佢老婆迫看），我亦向我細佬問過：「都係果類質素你唔睇無乜可惜。」咁，我同我細佬睇劇口味幾近既。