胡志明的味道：Bunn.oi

馬不停蹄的我，早陣子到了越南工作，又是胡志明市。工作的緣故，沒有到處找餐廳，有好幾餐都是再吃去年吃過的，反而同事帶我吃我，地道得來又有驚喜。

在Saigon Centre附近有一家叫Bunn.Oi，是一家很家庭式的越南小餐館，位於民居的二樓，就算到了餐廳地下，都要走進去，才找到樓梯上一層到達餐廳。餐廳的裝修雅緻，用餐時完全感覺身在異國。

 

 

餐牌都非常有心思：

 

我就前後去過兩次既，第一次就係上樓上呢個，鴨肉粉絲：

 

湯好清甜，鴨肉嫩滑，點一點附上檸檬鹽真係好不得了，仲有筍絲，加上莞茜，悶熱天氣之下係非常之咁醒神！

無論粉卷同春卷都出色，無特別調味，好家的感覺。越南呢隻食法係點一點旁邊呢碗蔬菜湯，可以減低油膩感。

 

第一次飲咸杏桃冰，好喜歡；第二餐，好勇，完全唔知係乜點左呢杯Tapioca Juice，一上檯，飲一啖，完全估唔到係乜，同事問我：乜你鍾意呢隻？因為佢都點左。後來一check，原來係木薯汁加上檸檬。

第二餐跟同事推介試左呢個酸魚湯粉，好有趣，入面除左蕃茄，仲有楊桃。我都係比較喜歡第一餐個鴨湯，但呢個係開胃既。

咁唔知係咪我唔受得木薯汁啦，我果日下晝完成工作番酒店就開始痾又嘔，夜晚仲要食法國菜播，典算呢.......

不過我再次強調，呢間舖頭真係好食，同事話因為煮既係上左年紀既阿姨，所以menu上既套餐有時都做唔到。食物好，價錢抵，而且餐廳感覺好舒服。去胡志明市不妨試下，木薯汁就唔好亂試呵呵。