強颱東京之旅：和牛火鍋放題

唔買旅遊書既我當然要參考人地去過邊度食好野啦，今次食左好多牛，因為我好愛牛，朋友又係，自然搵多幾間唔同款既去食啦！

其中兩間都係涉谷既：首先係和牛火鍋放題，價錢由二千幾Yen到接近五千yen，睇你想食邊隻牛喇，另外仲有飲品與及雪糕甜品，再俾多少少可以隊埋啤酒，一百分鐘任食。餐廳位於涉谷Beam，落兩層就有全層二手cd唱片店，非常岩我！

餐廳叫鍋ぞう 渋谷センター街店，食最普通既牛，2,800yen，淨係食牛舌，3,800yen，我就揀左黑毛牛加松阪豬，4,800yen，仲有隻貴既，食埋牛舌連飲品5,400yen，任隊啤酒的話就6,500yen。每人要俾多200yen湯底啦（有好幾款既，通常都會建議你揀一邊Shabu Shabu一邊Sukiyaki，其餘有泡菜啦，豆乳啦與及鹽湯），仲有野菜任食，好多飲品，靚靚雪糕咁。

 

 

飲品真係有咁多你揀，汽水多款啦綠茶烏龍茶咖啡，自己沖既都有好多款茶葉。我就最愛佢既白桃茶啦！

 

牛同豬係咪有圖有真相地靚仔先！真係好高質！而且湯底亦好得，佢仲會教你用乜份量去添，當然Sukiyaki一定要有日本生雞蛋啦，放心，任食！

 

好好好好多調味料！同香港打邊爐有既有得揮，當然人地好decent，料又靚啦！我就最愛呢個柚子粉喇，好食到不得了，好想知邊度有得買呀！

野菜部份係來自日本不同地方出產既靚蔬菜，大家都知日本蔬菜幾咁貴啦，所以呢度咁多款，真係食菜都可以回本！

仲有既！呢度有生麵可以囉番去淥，但最正係右下角，國產雞肉俾你整雞丸子黎食，鮮甜啊！

雪糕我唔記得影喇，總之唔係行貨，因為我試完一款又一款！

記得要book位呀，除非你好似我地咁，兩三點後先去食啦！