強颱東京之旅：最後的築地回憶

知道築地最後十月六日就搬，這次都希望再去一去，而遇到九月三十日晚颱風來襲，那晚除了電視開始接收有問題，外面風聲很勁之外，第二天早上是絕對天朗氣清的！由於知道早上地鐵還是塞滿上班一族（你知啦日本人應該比香港人更鍾意返工），結果十點多才到築地。

因為前一晚很多來東京的班機的取消了，這天築地的遊客反而不算太多，而我們排隊吃壽司弁當，排了一小時就可以，非常幸運的！

為何選這家呢？首先一定不會排壽司大那邊兩家香港人至愛，我排這家是去年看築地100介紹的，上年其實也見很多人排隊，不過本地人居多。所以這次終於在他們搬之前吃到，很高興。

 

 

除左話你地知肥彭都食過之外呢，右邊呢碟係築地100介紹過既紫蘇梅子卷，我指手劃腳先係Menu搵到出黎咋！好食既真係！

 

呢個SET，睇住幾位老師傅一邊整一邊同本地客傾計，好尊重呢份職業，每一件都好有水準，味噌湯都非常出色架！佢地都會搬去豐州既！

然後走左去愛養咖啡屋，上年都有去，今年再去，當然係因為小店既歷史同裝修啦！

 

有一個set係有咖啡、多士與及半熟蛋既：

 

問過喇，佢地都會搬，不過，唔係賣咖啡，原來老闆一直想賣天婦羅。咁究竟搬左過去仲有冇咖啡呢？

最後係場外竟然見無乜人排，終於食左燒玉子喇：

 

100YEN係抵食又好食既！咁我無特別等到要有舖頭招牌既燒玉子就當然唔駛等啦，當場真係見到個專登等呢件，無既，影相丫嘛。

唔知豐州市場點呢？不過築地場外一定都繼續旺場既！