2011年11月1日星期二

宜家的午餐

在宜家吃熱狗肉丸等等相信很多朋友都會,特別是熱狗,加杯汽水,十蚊雞就有個水準比很多店子都要好吃的熱狗,蘇絲黃都曾經大讚的熱狗。至於肉丸,近年才有得在小食部賣,吃過的就知道有幾好食了。

咪先,你地知我講Ikea架可?即咁,幾個星期前,與要找傢具的朋友到沙田逛逛,未行之前先在Ikea開餐,一到,才發現,那裡的食客多得很!


由於沙田宜家餐廳雖然是自助,但實在非常周到地附有一輛上下層手推車,方便一個買食物另一個等位。好,究竟食左乜?
呢張相未齊腳架,不過慢慢介紹下:
這個白汁火腿長通粉可以放棄,廿幾蚊,但好普通。
唔記得幾錢,但呢個雞翼真係幾好食。
肉丸,唔駛多介紹,旁邊既Baby Potatoes不能沒有,呢個配肉丸係最佳選擇。
呢個叫有機波菜芝士Pancake,除左少少唔夠熱之外係好唔錯既。
當日靚湯:龍蝦蕃茄忌廉湯,九蚊碗真係好唔錯。
呢個真係要講,係,平平無奇沙律,不過有另一個多左有機兩個字,個沙律汁唔同樣,就貴好多架喇!
朋友貪食中招之作,並不脆的薯條。

呢兩個甜品唔記得名喇,但好好食,唔會死甜!

你睇,埋單都係百鬆多元,就食到攬住個肚,明白點解呢度咁爆場喇!

沒有留言:

發佈留言