台北深秋行：粗茶淡飯

這次去台北，雖然頭兩天天氣欠佳，第二日仲落足一日大雨，不過，食，係不能夠放棄的。亂咁食四圍食果類慢慢介紹，今次介紹一間位於公館抵食又坐得幾舒服的食店：粗茶淡飯。

事緣係：第一晚晚上要到女巫店聽歌，之前便在公館搵食。咁，當時落雨落得好大，公館夜市根本唔可能食得安樂，於是行下行下，見呢間裝修又四四正正，又有位，就入去開飯。

我與朋友被帶到二樓一個廂座，估唔到星期五晚仲有位之餘仲有廂座，不過就窄左少少，除埋鞋放腳落檯底，起番身都有難度。

外面更有雜誌與及棋俾你玩，我心諗：食餐飯，咁多野玩，你咪唔駛做生意？講食喇，晚市一樣有即炒小菜套餐，個個二百一十蚊台幣左右，加埋一都係六十蚊港紙左右，睇睇食乜：

朋友的甜酸魚套餐，可見份量之大。魚塊調味好好，而且嫩滑！

呢個湯要介紹：冬瓜加薑絲，完全無加味精，好清淡好唔錯；飯就夠大碗，仲要上面加上芝麻。

果兩件沙甸魚我無食，生果就係台灣柳丁，好清甜！

另外兩款前茶，可見真係好多野食。

這是我的！川椒雞腿。

煎得好好，麻辣味道可以，但雞扒則未入味。

烏梅汁，送既！除呢款套餐，另外亦有個NT$280一人火鍋，見有客人食，賣相都好唔錯。

下次介紹另一間今次發現之食店。