外在美先行的八月芳

某日公司部門吃飯，選了在太古坊新開的八月芳。我記得此店之前是一京川菜館，食物不錯，但桌子排得極密。這間新店，首先裝修真的不俗，高雅而貴氣，那一盞大水晶燈很有氣派、餐具很有卡士、餐牌同樣精美：

此等裝修食不飽的，我們不如睇睇食物：

三菰六耳鳳眼餃與及甫魚滑燒賣，前者只係一個素餃，稱不上皮薄，後者反而不錯。

蝦餃，大大隻，印象中都不錯。

蘿蔔絲酥只係夠熱，味道唔差既。

川汁明蝦球是不俗的，只嫌汁味道太濃。

雞茸燴燕窩，味道好！雖然，燕窩唔多見。

清蒸海石斑：肯定蒸得差少少，好似老左囉。

呢個叫瑤柱米湯扒菜苗：清淡，菜苗唔係人人接受。

 

脆皮麻香土家雞，雞是嫩的，但過咸了。

一品砂窩飯，有帶子瑤柱及燒鴨肉，不及格，因為不夠乾身。

這是一個Fusion菜，類似意大利生牛肉做法，但半生熟，調味不足。

 

糯米釀雞翼，廿八蚊隻，都係農甫好食！

最後呢個要讚，一個四十八蚊既甜品，類似拿破侖餅，旁邊果堆好似糖絲，好食好食。

呢餐都唔平，我會建議想試既朋友不妨試佢個下午茶－－我地食完離開，門口好多人等，好似平好多囉。