兒歌的疑惑

家中大公主上學都有一段時間，她總體來說喜歡上學，而且還會告訴我們在學校學了什麼，當然，包括她學會的兒歌。

暫時她向我們唱過的有兩首：一首是太陽伯伯，歌詞是『太陽伯伯太陽伯伯去左邊去左邊』，另一首是英文歌：『Head & Shoulder Knees and Toes...』後者我肯定當年有聽過，然後最近突然想起，我那個年代的兒歌，其實歌詞都有些問題。


首先想起的是有隻雀仔跌落水，你不會沒有唱過吧！但其實歌詞我覺得呢，唔係好岩小朋友唱：

有隻雀仔跌落水，跌落水，跌落水，有隻雀仔跌落水，被水沖去。

整首歌其實是一個悲劇：一隻小鳥跌落水，還被水沖去，沒有人救牠，小朋友還在唱牠被水沖去，噢，都唔知點教佢地好。

另一首，同曲不同詞，就是英文版的London Bridge Is Falling Down，要不要重溫一下歌詞？

London Bridge Is Falling Down, Falling Down, Falling Down, London Bridge Is Falling Down, My Fair Lady.

當世界有很多天災人禍，都不知道如何跟小朋友解釋，倫敦塌橋那麼恐怖，調子唱得輕鬆，最後提起女子，嗯，係唔係有愛情就天跌落黎都無問題？

下一首，小小姑娘，唔記得全首都一定記得頭兩句，不如俾你睇番全首歌詞：

小小姑娘清早起床　提著花籃上市場
穿過大街走進小巷　賣花賣花聲聲唱
花兒真美花兒真香　沒有人買怎麼樣
滿滿花籃空空小囊　怎樣回家見爹娘

淒涼！細細個就要做童工賣花，仲要驚賣唔晒唔知點同父母交代，你話呢位姑娘幾慘呢！

咁河邊有隻羊你又記唔記得？呢首，又有乜問題呢？

河邊有隻羊　羊邊有隻象　象邊有隻馬騮精　好似你咁樣

咁都唔明？咁快教小朋友話其他人似動物，唔係咁好囉下話！

好，無聊完畢。其實除了無聊之外，同一首歌同一篇文章你接收到乜你解讀到乜，其實好在乎你心態。沒有童心就自然用成年人想法，不過，我都係建議俾小朋友聽多點兒歌，玩多點創意玩具，而唔係俾佢睇電視，與及玩你部IPhone。