2010年8月10日星期二

味竹燒肉店的午市燒烤

我知道,要去日本大魚大肉食松阪牛放題並非話去就去,而於香港食日本燒烤又實在貴得唔多值,為一眾好友們著想,最近有一處好地方介紹,價錢合理,質素不俗。

位於太古的味竹燒肉店,其實之前已經介紹過其Set Lunch,不過早前跟朋友到那裡賀壽,點了個二百五十元的午市燒烤套餐,食物的確超值:




麻醬豆腐沙律,無乜好介紹丫,清清地咁囉。




介紹下先:兩隻大蜆,青椒冬菇各兩件,魷魚四件


仲有仲有:兩款牛,牛舌,豬頸肉,雞柳


仲有兩隻大蝦!






燒烤質素的確唔錯,牛肉好好食,無乜邊樣難食,唯一關於隻蝦有以下故事:話說上檯已經開左邊,發現其中一隻腸都無清,於是同經理講;轉頭,番到黎,兩隻蝦開邊位有牛油封口,我照燒啦,點知埋單我朋友至話我知,佢果隻,仲有腸!我就同經理反映,乜你d師傳咁架!

每人一大碗牛骨清湯,真係幾好飲,無乜味精播!




溫泉玉子斧飯,份量大,每人肯定隊到一大碗,而且幾好食,加埋辣醬更正!


係呀!仲有果盆同飲品,所以話,呢個價錢極抵玩。不過當日上菜速度極慢,後來有侍應向我地解釋,因為有兩個師傅走左,所以,新人上手慢少少喎。本來我都好接受,但果隻蝦真係,唔係幾好囉。

不過總體呢個餐真係勁抵又好食,你諗下,咁既價錢又飽又高質喇播!唔好問我星期六日有冇,自己搵辦法問啦!

沒有留言:

發佈留言