食在太古(6)之Belgos East

公司附近當然並非間間都食過，久不久食過未寫都值得提一提，今次介紹一間好唔錯既西餐。

位於太古坊Belgos East，咁耐都未食過，最近第一次食，但亦都可能最後一次，因為有同事收到消息，呢間就快唔做。價錢不便宜，但的確幾好食：

可以選湯或沙律，呢個甘筍湯好清甜，不過，沙律好精彩，我揀錯：

呢個蟹肉沙律好精彩－－根據同事所述。

麵包好好食，但更精彩係牛油之外既肝醬，乜肝我唔知，只知好好食。

當日主菜有幾款，價錢唔同，且看質素如何：

最貴呢樣，炭燒肉眼扒，女同事分部份俾我，唔錯唔錯，果個煙肉青豆仲好食，點解知？怕肥的女同事分俾我食囉！

另一主菜，英文叫Quiche Lorraine，仲以為係人名，原來係芝士煙肉批。無食過，賣相就好似削左少少。

我點既海鮮寬麵，清清地好多料，唔錯，份量多番少少就更好。

甜品要另外俾錢，呢個雞蛋布甸無乜特別，加廿蚊都可以接受既。

同事話呢間最正係青口，不過無食到，希望佢（若果真係）唔做之前可以試下啦。