那天，如常上班，如常捱到接近午飯前，感覺肚子有需要，到洗手間去。
我有個習慣，帶手電進洗手間，放在恤衫袋。那時，彎下身抹一抹廁所板，我深愛的SEw995，應聲飛出，直墜廁所。
極速拾起，登時聽到幾聲啪啪啪．．．應該是燒底板的聲音，心想：呢舖真ＰＫ了。
立即盡量去抹乾，晚上回家又再用風筒吹，不過，再放入電池也沒有反應，相信今次應該凶多吉少。
期間跟弟弟研究這事，他有個提議：「睇怕你再換機，都無理由唔係iPhone喇！」
這說話，我當日下午在寫字樓聽過三四次，同事們似乎忘記了我的手提剛溺死了，反而替我可以出iPhone4而雀躍。
我很想告訴他們：我的確很愛SEw995：聽歌好，影相好，這對我來說已經足夠了，又能夠用WiFi上網。至於iPhone，是的，身邊很多朋友告知我有多好玩，我亦玩過了，不過並沒有太大心癮一定要換。
第二天，一早拿去SE的維修中心，不消兩個小時後收到他們的電話：「先生，濕過水要換底板，一千七百五十蚊播！」
千七蚊？我當年買都唔駛咁既價錢呀！
下午回去拿回屍首，順道去One2Free出iPhone4，零機價簽兩年，舊約自動一筆勾銷，預計兩三個星期後有機。
整個星期六日我依然很不快樂，對於即將擁有iPhone4沒有太大的興奮，雖然，我知道應該很好玩，而且身邊差不多所有朋友都說：「你一定會愛上佢架！」
我現在用著一部SEw810i，一部已經N年依然用得的好手機。對著那部新簇簇的屍駭，我希望可以有店子幫我修好，至少，著番啦，賣左佢都好嘛！
財散人安落，不過從未試過一部手機在我手上只有十個月壽命就過身了，大吉利是。
沒有留言:
發佈留言