2019年4月30日星期二

上海吃什麼:Crazy Oyster House

早陣子又要到上海工作數天。就算我因為有漫遊而沒有與世隔絕,但完全沒有Pokemon捉的地方實在不適合我久留。不過這幾天,還是跟同事朋友出外吃得好,好到需要跟你們介紹一下。

首先介紹位於徐匯區的一家小酒館Crzay Oyster House。未講餐廳之前,那一區很寧靜,都是一些幾層高的民房,有些小店咖啡室小餐館,馬路兩旁都種了樹,感覺很不一樣的。

 
舖名如此,同事表示生蠔不得了。於是佢發辦,有三款法國生蠔,每樣三隻。價錢唔平,接近四十蚊人仔一隻,不過好有水準,肥美有海水味!
同事非常客氣,除左開酒,仲點左一盤廿四個月西班牙伊比利黑毛豬風乾火腿!我係Ham精,所以一放入口就知靚野!
另外呢個係沙律啦,材料新鮮,汁就一般啦,整體唔錯既!
至於呢個慢煮牛扒,肉質好,加醬汁既煮法有D浪費,若果基本Grilled再加海鹽就非常好!
法式焦糖燉蛋,好食!幾夠水準既!
睇番原來餐廳都開左好幾年,呢餐絕對唔便宜,同事太客氣喇!食物好,酒又唔錯,而且靜靜地傾計係好岩既,去上海的話,考慮一下呢間。


沒有留言:

發佈留言