一九台北trip：第一次的Airbnb經驗

因為用里數換到陳綺貞台北小巨蛋演唱會，然後又換到機票，自然要諗諗住宿。突然想起同事去年開始有經營一間Airbnb，於是問問，有期，便成了我的第一次Airbnb的經驗。

他的那家位於大同區，剛好在大橋頭站與雙連站之間，台北車站機捷行過去十幾分鐘，行去大稻珵很方便，去寧夏夜市更方便。事前問清楚要怎去，再看看他那家有什麼沒有什麼，知道他家一應俱全只是要自備牙膏牙刷，就出發了。

位處大廈外觀可能比較舊，但有兩部升降機，而且公眾地方乾淨。我知道他們是全新裝修，門口裝上密碼鎖唔駛帶鎖匙。間屋好寬倘，有一張雙人床，梳化可以變梳化床，梳化床好舒服，因為我試過睇電視訓著左。衣櫃內仲有熨衫板及熨斗，好方便。

先介紹洗手間：有沖涼浴間，沐浴乳洗頭水護髮素之外仲有洗面泡泡，呢樣好喜歡。

 

有足夠毛巾浴巾提供（你真係咁都唔夠用床下底櫃桶仲有），風筒亦有，非常齊備。仲有，浴室裝左抽氣兼暖氣系統，冬天好凍沖涼都唔怕。

 

當然有Wifi，速度快，電視台選擇齊備（多過好多酒店），仲有抽濕機與及空氣清新機。

有洗衣機兼有乾衣功能，位於露台外。我用過，非常鍾意部機好靜，你知啦半夜洗衫乾衣都怕嘈親人。

仲有暖水壺與及茶包／咖啡提供，另外有電磁爐及一個大煲（無理由係台北要淒涼到煮麵卦），最好就係有齊餐具，我係寧夏夜市買完食物都唔駛要佢地既餐具，可以環保一點，當然，我有洗番用過既餐具既！

 

佢地仲好好，放左兩支水與及兩件微熱山莊鳳梨酥歡迎你。對於唔熟附近既朋友，屋內近門口有附近遊覽地圖（仲有兩把傘可用），即實在呢幾晚我係住得非常舒服，冷氣亦好夠。

 

佢地大約兩日就會聯絡你方唔方便上黎收垃圾，所以，你唔駛擔心垃圾要積幾日。今次第一次住大同區，第一次於大稻珵附近遊玩，我非常喜歡（之後再介紹啦），所以是次住呢度係好開心既。

好喇，講到呢度，你地問，點租先？我有條Link啦，你地自己睇，二月差唔多滿要去到月底果個星期，你地自己攪攪佢。

記住，講呢個blog介紹，係無折頭既。