2019年1月22日星期二

火鍋店樓下的Bluebird Coffee

英記打邊爐去得多,午市飲茶都久不久就去,但從來唔知原來英記樓下有一間咖啡店。話說這家Bluebird Coffee乃同事的朋友所開,某日帶我去飲杯咖啡食件餅。

是的,這餐是店家請我的,除此以外沒有其他。我覺得這家咖啡店無論裝修器材都非常落本錢,咖啡我不算懂得喝,但這裡的麵包非常好吃。

店外非常有型,整家店都以藍配金為主色,店內餐具亦是呢兩隻色為主。據知由於此店位置太估你唔到(海味街果頭)所以之前未有店外圓型招牌,真係好容易走漏眼。
舖頭細細,但樓底好高,所以坐入去感覺幾舒服。好,我唔識咖啡,但鍾意飲齋啡,每個人口味不一樣,不過知道此店咖啡師選取不同來源咖啡豆,而且沖調器材多。
 

當日我與同事分別被推介兩款手沖咖啡,此店為每款咖啡豆配有小卡片,介紹咖啡品種來源與味道特色,同時若果客人覺得呢款好岩自己,Keep住張卡,下次番黎揀番就得喇。
 
我都係鍾意飲Ethiopia呢款,有果香又有茶香。之前朋友教落,飲手沖咖啡一定要慢,因為不同溫度入口味道都唔一樣,所以,慢慢嘆,是真的。
 
不過此店最得我心亦令我一定要番黎肯定係麵包!知道佢地自己隔日製麵糰然後再在店解凍每人新鮮焗,呢個Parma ham & cheese真係好!好!食!麵包有麥香而且有質感(即係唔係空氣包),熱辣辣食不得了,就算後來溫度稍降,仲非常有彈性,此包HK$53蚊(可以買半份),好食過Pret多多聲!(仲有真係好鬼鍾意佢地選既碟同刀叉,靚到呢。。。。)
 
之後試左老闆自己整既芝士餅,一食就知罪惡感好重:因為足料之餘香滑但唔會膩,呢件HK$42我同同事分享,好彩只係食一半,否則真係要做好多運動。

既然店家請我食,我亦唔客氣提出佢地播既歌唔多配合整家店既氛圍,希望下一次去會有所不同啦!當日都有好幾位外國客人光顧,可能係附近酒店遊客都唔定。此店開朝八點半晚六,有機會經過,不妨試試。

沒有留言:

發佈留言