我早在
2013年已經去過
少帥禪園，而且一直都介紹朋友去，因為從台北到那邊不遠，而且吃的精緻高質，風景好，又可以泡溫泉。所以，這次一定要帶同學一去，難得他們也沒有去過。
這家是可以用面書跟他們聯絡的，告訴他們用餐人數、時間、選哪個餐就可以，而且還可以請他們安排七人車從北投車站載到那邊，非常方便。用餐後可以免費泡足湯，而接送離開最遲是8:45PM，所以，我會建議約五點半車接送，六點食飯，早到可以四圍影相，仲有機會睇埋日落，然後約埋8:45PM車走，泡足早少少完睇埋個夜景先走，Perfect！
我地今次就約唔到最後架車，但佢都會幫你叫的士，所以絕無問題！我地開飯前就食正日落，真係好得：
呢度食乜呢？以張學良先生飲食習慣配合在地時令食材，炮製懷石料理，可以好肯定話你知，又靚，又好食，又夠飽，絕對唔會眼睛食完肚空空。餐廳裝修雅緻，已經可以俾愛影相既朋友影到夠。
我地選左最貴果隻大帥府傳套餐（NT$2,500加一），睇睇食左乜先：
先來自家天然炮製漬物，其中梅漬蕃茄與及柚子蘿蔔一試難忘。
第一道：左邊係《龍虎石班凍配胡麻過貓》，石班高湯製成魚凍內藏石班肉，過貓乃台灣一種野菜（與龍鬚菜不同），主要產地為苗栗、花蓮、南投，屬蕨類食物，配上胡麻醬很合；另一道為和風醬手工豆腐，豆腐質感略帶粗糙豆味濃，作為前菜很稱職。
此乃《霸王豪宴蝦配鳳梨醬》，龍蝦本身極鮮甜新鮮，單吃已經非常滿足，滲出海水咸香；台灣在地鳳梨加上牛油烹調成醬汁，意想不到地配合龍蝦，此道菜令我果位非常識煮識食既朋友讚嘆不已。
上次都有飲既《漢卿趙四玫瑰醋飲》，乃少帥禪園手工釀製玫瑰醋，好好飲，有得買走。若果在場跟指示到指定網頁留言，可以多飲一杯。
酥炸午仔魚，好識食朋友話，要炸到咁靚唔容易，骨都可以食，而且無過度調味，配上特調醬汁，你睇，連我都食到咁。
呢道菜叫《燉虎掌配伙房養生飯》，虎掌其實係豬腳筋，煮得極軟身入味，旁邊的時令蔬菜唔止靚仲要鮮甜，銀杏亦絕對不能錯過！旁邊的養生飯，用雞高湯及油蔥煮既香酥腐皮糯米飯，可以再添，本身已經勁好食，完全唔需要再沾其他醬汁！
漢卿佛跳牆，多料到呢！係多料到我數唔晒！本身湯底用母雞腿及金華火腿製成，內裡真係食極都有好似尋寶一樣，略嫌放太多料令湯底不夠清甜。
趙四獨門蔬食，時令蔬菜，有蘿蔔泥，小黃瓜，南瓜與及筊白筍，最原汁原味的清甜，剛好將佛跳牆帶來膩感消除。
甜點水果，我話你知，呢個芝士蛋糕，出色過好多酒店！
食飽，幾個同學去泡足湯，來個麻甩佬傾下計環節：
無花無假，夜景靚到不能！
若果有興趣可以再早少少到，訂定湯屋，有私人湯屋可以泡湯，泡完再食亦可。去台北，少帥禪園真係點都要去一次！
沒有留言:
發佈留言