台北四仔旅行團：日本炸串放題

一聽到炸串，有人覺得熱氣又肥，但其實因為炸串你不能食得多，未必一定肥。所以，我安排去一家從日本來台開既炸串店《串家物語》，位於南港Citylink，任食九十分鐘，除炸串另有飲品前菜飯類甜品，平日午餐NTD490，晚餐假日NTD590。

訂檯，只要去佢面書，自然有Link教你訂，香港電話一樣得，好方便。日本開的店，乾淨，指示清晰，果真有得玩有得食。

炸串款式廿幾三十款，蔬菜肉類海鮮都有，而且非常整潔衛生：

 

  

每款食物都串得細細件，其實，呢個份量好，因為唔會炸唔熟。然後就要自取炸漿與麵包糠，仲有唔同款醬料：

 

然後，將食物沾上炸漿加麵包糠，根據建議時間去炸，炸起放旁邊隔一隔油，食得：

 

 

絕對唔難玩，而且好企理，上圖果個係防止炸海鮮類可能有油彈出既。

 

即當然啦，始終都係熱油，一眾覺得自己唔識管教小朋友既家長就咪去喇。我現場見台灣人幾歲人仔都帶去食囉，因為炸物以外都有炸麵呀意粉呀薯餅之類十多款熱食。我就鍾意有茶泡飯喇：

 

飲品好多，最正係有日本啤酒同埋果味酒精飲品！甜品雪糕水果都好齊，基本上大人細路都好開心！

 

 

所以，下次去台北，不妨考充慮呢度，抵玩抵食又有質素！