這是我第一次在曼谷吃自助餐。
一直有朋友告訴我，曼谷的自助餐是很痴線的抵，而且料靚。不過過去多數一條友出動，無理由一條友食自助餐（但我試過一條友自助火鍋）。今次適逢有朋友同行，而他早就跟我說Goji Kitchen的自助餐好抵食，於是，我在Klook買了票，成人價不用HK$370，餐廳位於Bangkok Marriott Marquis Queen’s Park又不難到達，然後發現，曼谷食自助餐，真係好離譜地抵。
最靠近門口乃甜品陣地，正常都無咁快食既，但有眼見，好多好多好多，生果芝士乜都有，連泰式冰你要點整都有，芒果糯米飯亦有，雪糕一定有。
咁點解我會突然介紹呢個？佢非常有趣地，將生蠔，放左甜品旁邊：
共有三款：泰國，愛爾蘭，法國生蠔，無限隻數自己囉。勇者如我款款都試，泰國的，嗯，無下次。其餘兩款，超得，係咁食。
沙律吧Cold Cuts都幾齊而且多，海鮮見啦，阿拉斯加蟹腳，大蝦，蟹，青口，螺都有，而壽司刺身就比較一般，選擇不多。
好喇，熱食係多到離！晒！譜！
呢檔，係煮泰式粉麵啦同冬蔭功既，你落單就整俾你，極高水準。
泰式青木瓜沙律，其實有好多款，又可以整俾你。
呢檔必食！泰式炒飯與及炒粉，阿姐好堅！好有鑊氣！
即煮意粉啦，西湯都唔止一款，洋蔥湯極好飲；仲有咁大個Cheese Bowl，開唔開心？
燒西冷豬脾羊架乜都有，你想食就指啦！
其他基本上任何一間五星級酒店自助餐應該有既佢都有，西式中式泰式印度咖喱燒烤食物通通齊，仲要好食！
是咪好吸引先？下次出發曼谷，不妨考慮呢間，好似我咁，買定先出發。
沒有留言:
發佈留言