曼谷食食食：介紹Akyra sukhumvit bangkok

六月到曼谷是出差之後再放假，所以之後幾天轉場。這次選了Akyra Sukhumvit Bangkok，用app訂，HK$650一晚。

酒店從Asok站行過去約十分鐘，位置可以，而房間夠大夠舒服，最重要的赤賣點是：早餐。

 

四正又乾淨，仲有個小Pantry，廁所係有淋浴間亦夠大，有小露台，雖然我住得高，外面無乜view。

點解要介紹早餐呢？呢度早餐並不是自助餐，而是，你每朝落去，除左麵包果汁咖啡茶任飲任食之外，早餐餐牌上主菜，可以揀兩款。

睇睇餐牌，無錯，裡面亞洲式與西式通通可以揀！咁都係度食左三朝，我同朋友都試過唔少，水準好高：

 泰式滑蛋肉丸粥，粥底夠棉，米粒剛剛化開，味道非常得。

炒蘿蔔糕，無既，本人至愛，所以亦好滿意。

Egg Benedict，可以揀火腿或者煙三文魚，唯一要彈就係火腿用料普通。

泰式奄列飯，朋友點既，佢就話好味喇。

 

Pancake同French Toast!呢個堅得架！賣相又得！

另外好似仲有食過Phak Kad與及泰式湯河不過就無影相喇！此酒店集團好似有唔少選擇，有ｄ係會高級好多，今次住過呢間，好喜歡，下次去泰國都會考慮下。

最後，係酒店大堂見到呢句，好想同大家分享。