曼谷食食食：Cha Tra Mue的餐廳

大家好愛飲的Cha Tra Mue泰式奶茶已在香港插旗，而我六月到泰國開工，就有幸吃過Cha Tra Mue的泰菜。

餐廳位於Market Village Suvarnabhumi，應該是近機場的民居大型商場之內。他們賣的是泰北還是南部我真的忘記了，只是由同事決定吃什麼，你知啦，我就好願意試新野。

 

這個鐵板牛肉重點應該是旁邊的調味料，堅辣！

 

呢類魚，同事夾到囉，咪食囉，點多Ｄ調味料實好食架（我對於呢類魚有好怕腥既童年陰影），另外呢款泰式沙律，米線加調味料再加菜葉食。

呢碟木瓜沙律我係放棄既，食左一啖已知果隻泰式蝦醬我係頂唔順既。

 

燒雞極極極極極好食，生蝦，本人至愛，此店出品好高質，同事好好俾我食好多件哈哈。

冬蔭功真係有好多走，呢款叫乜名我唔記得喇，辣度係唔少野，不過好飲。

 

此店必點魚餅，你睇，厚到咁，非常香口惹味！

呢杯係椰青，係非常便宜而且每杯即開椰子無添加，極愛。

我後來發現，在Iconsiam都有餐廳，有興趣朋友真係可以一去！