首爾再寵寵：黑毛牛砂鍋及教保文庳

忙足一個星期到星期五晚終於完成任務，當天天氣再次寒冷，氣溫是全日都在零下。前幾晚同事帶我去D Tower吃晚飯，那裡有很多餐廳，本來打算去吃Mad for Garlic（我知香港都有），不過酒店幫我問左，已滿。

於是，自行出去搵食，太凍，自然唔想行太遠，在酒店附近發現一家叫 이용약관，因為，我見門口介紹果個黑毛牛砂鍋，天寒地凍，應該好唔錯。

呢一餐，好滿足，好暖，好好味：

 

之前廣藏市場係萬二won呢個要二萬won，唔合係咪貴在有人服侍，不過可以肯定，要放一放先食，牛肉未完全解凍，放一放先食就好食到不得了喇。牛既質素係高過廣藏市場既，當然啦，計埋價錢，食生牛肉，我都係推介廣藏市場。

 

呢個就係黑毛牛砂鍋喇！我無錯的話，應該係用米漿，加上松茸，金菇與及黑毛牛肉牛筋去煮，食既時候，再加鹽與黑胡椒調味。首先，湯真係鮮甜，而且有部份牛筋已經煮溶，湯係非常濃稠，充滿骨膠原。牛肉好濃牛味，而且煮極都咁鬆化。

 

你睇你睇，食到最底都仲咁豐富，牛筋真係好不得了！其實兩個人食就更好啦，不過我當晚真係差不多食晒，再飲左燒酒，暖到不得了！

食完，急急腳離開，行去光化門教保文庫。大約五到十分鐘路程，只不過係要搵入口，與及天氣凍咁行法都幾係野。

有乜野睇呢？除左書之外，仲有好多文具，好多精品，仲有cd/dvd店。不過我到達果陣已經係九點七，十點閂門，所以非常急急腳行左轉，只可以話，呢度好邪惡，隨時買到你停唔到手。

  

  

呢度的確幾好行，仲好適合買手信，有興趣朋友不妨留時間去敗一敗。