北京幾好食：止觀小館 與 東來順

出差並不是遊玩，所以在上海開了一整天會議，第二天五點半醒來，七點前到達虹橋機場，乘坐飛機到北京工作。或許在我Blog Facebook大家都有看過那張飛機上食物的照片，還有很擠迫又有點髒的機艙。所以，其實乘飛機包括提早到達的時間與及從機場乘車回市中心的時間，乘火車應該差不多，還可以坐得舒服一點，繼續上網。

到達北京市，在Regent checked in之後跟同事往吃午餐，行經一家叫止觀小館的餐廳。外觀看起來像是那種保留歷史建築的餐館，後來上網得知，據說原來是康熙皇帝第十三子的府邸，後來被李鴻章所擁有。

  

幾靚係咪？我與同事都覺得能夠將此打造成畫廊跟餐廳非常不錯，食物呢？

此道菜叫搓椒葫蘆絲，將葫蘆切成絲，再配上帶有青芥茉醬汁，非常清爽開胃，從未吃過的！

 

呢碗清燉時蔬海蔘湯就值錢喇！細細碗要成九十七蚊人仔！係好足料係好鮮甜既，不過，真係貴。

小館老式鍋包肉，失望。好似輕輕拍上生粉既咕嚕豬肉片，份量少，味道一般，七十七蚊。

砂鍋酸菜，上海同事首先覺得，不夠酸。係，我非常同意。腩肉好食，而驚喜係豬紅，同事話佢平日唔食呢個好食，我亦同意。

呢味我係相信佢上錯，原本我地點清烹蝦段，呢個好似唔係，但錯有錯著，呢個蝦係最好食，炸漿薄薄，帶咸香，剛剛好仍可品嚐蝦的鮮甜。不過整體來講，此店，食裝修，並不特別推介。

晚上工作至差不多九點，北京同事建議我地去食東來順涮羊肉，因為呢個時間應該唔駛排隊。我就未係香港食過，當然有興趣啦北京老店。

非常厲害果隻銅鍋仲要燒炭架播！湯呢，其實我覺得無乜分別，你揀清水或者呢個菇湯都一樣清淡，係無其他湯底選擇架喇。

呢兜調味料都要計錢架播，有生蒜啦辣椒啦南乳啦莞西啦麻油啦松露醬等等。果兜麻醬都要計錢架！

 

牛肉並不好食，重點係，因為用接近清水去涮，單靠調味料真係無特別，黑柏菜亦一樣。

選擇牛肝菌係錯誤既，因為淥完都滑潺潺，非常唔易夾，而且無乜味。

最最最最最好食就係呢碟羊肉！肥瘦適中，羊味濃，其實淨係食羊就得架喇，太過癮喇羊既質素。

之外再介紹其他食過既餐廳。