2013年7月28日星期日

香港春浪音樂祭:不知所謂的安排

昨天,你有在場嗎?我有,香港首次我春浪音樂祭。歌手陣容吸引,所以很多朋友都進場了,然後,受了一肚氣。

我回家後一直在想:昨天的天氣算托賴,橫風橫雨的時間都不算多;香港不是第一次辦這樣的露天馬拉松演唱會,十年前在天馬艦的Wide Day Out也好,去年文藝復興在西九也好,安排都好好的,為何今次問題百出投訴多多呢?


我在約三時四十五分左右到達,在門口無無謂的保安查票之後(對,因為進場前再查再貼上手帶),慢慢行進去。
行到距會場約一百米,我們被保安叫住,表示:企位貼鐵絲網排隊,企位出d果條排隊。我不明白為何不在我們進入後不久就指示我們排隊,於是,好些穿得不大方便的少女們便要跨過草叢入內排隊。排隊呢,企了很久,沒有人告知發生什麼事,為何不能入。期間不少人因為之前無人告知,行到入龍頭先有人叫佢行番去後面排隊,我係佢地真係會鬧人囉!

排了半小時左右,突然可以向前行二十米左右,但之前已經被那些過雲雨及陽光歡迎了。約四時四十分左右,可以向前行進場,攪笑的是企位跟座位的兩條隊位置突然對調!完全不知究竟現場的保安有沒有溝通!

其實我見之前突然有警車出入,究竟係因為乜事唔俾人入呢?有人玩野報警?定係點呢?可唔可以搵人出黎解釋下!

好,事前聲稱的不能帶飲食進場,排隊期間有人拿著大聲公過來表示不能帶玻璃樽飲品進場,到門口前那些是但的查袋前又表示不能帶飲食(因為已經遲了很多,他們不敢再堅查),所以,我一早帶了一支茶進場,否則,你想入去先買?慘到不能。
入到場是四時四十七分左右,走去小食檔,安排低能:先要排隊買票,票種有十元及十五元兩種。有見及此,一口氣買了一百元(四張十/四張十五),然後當我排隊買大腸包小腸之際,家家突然出場。那時,五點鐘,超過七成人未入座。


小食攤的確選擇多,但價錢就是四隻字:物離鄉貴。蔥抓餅HK$20,我想在台灣可能都是二十;大腸包小腸、蚵仔煎、鹽酥雞等HK$25一份。我那一百元買了大腸包小腸--糯米腸都未煎透!鹽酥雞--包包整定,你估有幾好食;蚵仔麵線--算是你俾左廿五蚊條氣會順氣少少果隻;紅豆杏仁豆腐冰--有圖你睇,搵笨到呢!最最過份係唔知三粒定四粒烤墨丸收你廿十!更頂癮係,剛進場之後,除了藍妹Counter搏命Sell人買幾多杯送凳仔(而他們不用買票直接付現金),有人想買礦泉水,竟然現場無人話究竟駛唔駛買現金票,走到埋去,有個哥哥仔同人講:唔駛排喇,賣果個唔係度呀!死未!

排隊買野食又另一頂癮安排,因為完全無指示,我聽到不少人排完一輪先知:乜原來呢條隊唔係排鹽酥雞架?

因為咁,我親眼目擊坐我前兩排既一班朋友仔,有兩個走左去圓方買Triple O番黎,雖然成粒鐘先番到黎,但證明兩件事:係入面D野食貴夾排得耐又唔掂,保安係任得黎囉野食入黎。

進入座位區,那兩位妹妹仔好似唔係好Check你手帶咁,好,我買HK$580,係最近海邊位置,我睇睇下發現有企位觀眾入左黎係我側邊企住睇仲煲埋煙,咁,不如唔好分企同坐,一律HK$280啦!我以為側邊最多出現傳媒朋友同工作人員架嗟,點解後面企果d都可以隨便入黎企?到再後期少少,有幾個肯定唔係買座位票既,迫埋我側邊,我真係無位企!
既然家家已經五點先開始,肯定遲左半粒鐘,點解大會唔醒目少少,即刻每個歌手先Cut一首歌先呢?既然之後都不斷Overrun,點解中間硬係要俾贊助商安排既人跳舞呢?情況有異唔可以立即抽獎咩?既然都預左有可能落大雨,台上幾個樂手位置都Set晒帳幕,點解去到綺貞開始前真係落狗屎要再Set帳幕咁失策又再Delay多左呢?

我好懷疑大會總監做緊乜,定係都因為野食太唔掂,自己出左去開飯呢?

我聽完綺貞因為濕到不能放棄走去食野,先知原來果邊有創意工藝品Counter!慘囉,唔知點爭先入到黎,諗住早開場可以等觀眾行下食下野,結果四點九先放人入黎,你話你呢個主辦單位係咪廢兼抵鬧!

仲有一樣又係要鬧:所有小食Counter簷篷邊安裝灑水噴霧,目的就係天氣太熱之時可以為排隊朋友降降溫。我十點幾去到排隊之時,岩岩落完大雨,佢仲係度噴霧中喎!係唔係,唔識停架?

總之,下年再攪,唔該,好好檢討今年有幾失敗,否則口碑如此,歌手都唔敢參與啦!

寫完之際,發現終於有傳媒報導喇:
http://hk.apple.nextmedia.com/enews/realtime/20130728/51596382

沒有留言:

發佈留言