2013年7月17日星期三

MovieMovie好抵睇+High爆雲霄觀後感

作為一個時常到電影中心看電影的人,而且還是BC Member,去年在電影中心被推介而Subscribed這個MovieMovie(Now 132台),一年來,在家看戲的選擇多了!適逢上星期五參加了他們的一周年派對(嗯,是我被抽中,不是被公關邀請的),覺得應該在這裡向愛看電影的香港朋友介紹這個台:一個月三十幾蚊,絕對抵玩!

首先,他們由百老匯電影中心遣生出來,所以,很多世界偏門電影都可以在這個台看到!還有,每個月都有一兩部正在上映的首輪電影,在這台同步播放,嗯,係咪高興先!


唔止!MovieMovie仲有自選服務,可以在電視/App/電腦隨時收睇二三十部電影,定時有新片加入,真係買DVD錢都慳番!另外更有優先場俾會員睇,我早前睇既《Searching for Sugar man》就是被抽中獲票的!

即咁,上星期五他們於電影中心舉辦一周年派對,播出三部電影:《其後》、《我不是拉登》及《High爆雲霄》,我又咁好彩被抽中睇High爆!到場拿票之際,每人都有一份一周年禮品,等我介紹一下:

John Ho特別繪畫Tote Bag,貼紙,Folder與及一本介紹有乜重點電影Passport宣傳小冊子。仲有。。。
MovieMovie一周年特刊,艾慕杜華五部電影Postcards!
係,仲有五部曾經播放電影既Folders!
Coupons數張(包括Agnes B Cafe食五百減二百)與及Lady Gaga香水辦一支。

咁,艾慕杜華新作好唔好睇呢?

我與友人的觀後感是:無聊,幾悶。老老實實,寫男男/男女/雙性戀喜劇並不新鮮,問題是:真係唔好笑!講飛機可能失事,幾位Camp爆空少,兩位一基一Bi的機師,一對隊到High High地新婚夫婦,一位名肉彈,一何走佬銀行家,一位殺手,再加一個處女神婆,然後東拉西扯飛機攪野,再加三名空少載歌載舞(應該全部戲最好笑),直到,完場。

好彩電影唔算長,真係,並不建議各位購票入場。

好,寫到這裡,相信大家都唔會覺得我有著數賣廣告--咁樣彈呢套重頭推介電影,作死咩!但各位影迷,無論你有冇Now TV,呢個MovieMovie真係值得Subscribe!

沒有留言:

發佈留言