廣成與爽爽

是的，剛過去的周末，突然無聊，與朋友先跑到上水，以為那裡的什麼英國皇室東東展覽很好看，結果什麼都被擋住，根本看不清楚。結果除了在上水逛逛見證走水貨活動依然熱鬧之外，幸好我還做了功課，到了一間很不錯的店子吃東西。

說的是上水的廣成冰室，沒錯，就算是在上水，一樣門口有人排隊，幸好很快就可以入座，雖然是肯定坐得不大舒服的。

是非常懷舊樓底很高的店，而最出名的，是手刨紅豆冰與及牛肉通粉。其實若果願意放棄紅豆冰，最抵的食法是這樣的：

不過由於我貪心，結果樣樣散叫，份量很足。

雖然很多人點菠蘿油，還有人外賣，八蚊件，但真係唔知有乜特別，不推介。

紅豆冰好正！紅豆多又大粒，雖然唔知人手刨冰有乜特別，但成件事就係好配合：懷舊冰室吃懷舊製法紅豆冰，廿蚊杯。

蛋治，蛋好厚好滑，非常滿足。散叫的蛋治蛋的厚度比跟餐的高，值得值得，十四蚊。

呢個牛通真係殺晒！根據坐對面既阿嬸話，牛通係即用牛肉與薑絲滾起湯底，所以鮮甜，湯係可以飲晒！肯定無味精，而且你見湯底就知係即滾！廿四蚊。朋友唔信邪，走去叫叉燒通，你睇：

自製叉燒，招已中。

好，行完上水，諗諗下不如去元朗，於是搭小巴去元朗，沿途向元朗好友查詢有乜好野食。一名好友話：有一間舖頭食『酸雞米粉』好正，由於我對於酸辣特別有興趣，於是，係未算好肚餓之下走去呢間叫爽爽既舖頭，去到就知，我朋友，打錯字。

門口明明寫住醉雞炸豬扒，不過一場黎到，無理由唔食架，況且，舖頭六點半就收，五點十分黎到，食！

三十四蚊，好似好貴，不過我話你知，醉雞真係超級好食！雞嫩，酒味濃而且調味汁剛剛好，真係撈埋米粉食係好不得了！而且，雞份量多，若果你早到，可以要求不同雞部位！係我食食下之際，五點三十五分，店方宣佈，是日醉雞賣晒！係呀，可以外賣醉雞，例牌六十五，全隻二百二，我食左果一陣，不知幾多人黎買！

據聞炸豬扒都好得，不過我真係無可能再食，不過，我都點左杯自製菊花茶，必點，肯定係自家製！

七蚊杯，掂！

好。我在元朗晚餐係唔好食既，咁唔提喇！元朗，大把好野食，下次再食過！