本人去旅行捨得吃貴一點，但本人的『貴一點』都未試過貴到呢個地步。不過，到達餐廳，竟然有一間私人房間，三個人可以面向銀座夜景享受晚餐，未開餐先感動：
究竟有乜野食？不如根據Menu等大家了解一下：松阪牛五花肉、燒肉（帶骨五花肉、啡力、橫隔膜、鹽味牛舌、里脊、嫩雞、高級牛胃、牛肝、下水、帶油花豬肉）、海鮮（川燙擬石蟹、河豚、蝦子、扇貝、花枝）、其他（烤蔬菜、青菜葉、韓式醃菜、泡菜、醃鱈魚腸、沙拉、番茄沙拉、蔬菜湯、燉牛肉、白飯、豬腳）：
放大自己睇，然後我重點介紹當晚興奮食物：
係！大大塊松阪牛上檯，食完，再叫，又係大大塊上！你知嘛，咁大塊入口即溶既質素，香港食郁下就成千蚊架喇！
下方係另一種和牛，質感完全不同，但牛味極濃！
牛舌厚燒，與下面的牛舌薄燒加蔥，前者以為超好食，後者食過先知，嘩，呢個仲正！
牛內臟，上面果碟應該係牛胃卦，超好食，一放落烤板，差唔多搶火！後者是牛肝，第一次食，唔錯。
海鮮類，呢個了蟹，哈！新鮮鮮甜，絕不俾行貨你！帶子、蝦、雞泡魚及花枝都好掂，其中以帶子及雞泡魚係要Encore！
好掛住呀！！！！！
凍蕃茄超得！泡菜就朋友們話好好味，下面呢個沙律菜清肥膩不錯，不過都不及以下呢個：
失驚無神每人一碗呢個冷麵，清而醒胃，湯都飲晒！
呢杯係飯糰介紹既含酒精Cocktail，好好飲，我唔記得叫乜名添！
最後呢個雪糕埋尾，成件事真係好完美！
總結：呢個價錢，咁精彩食物質素，環境又掂，服務又好，下次去日本，真係好想食多次！
沒有留言:
發佈留言