喪食東京遊之買買買（下）

先解答一個問題：究竟我回港之時行李有冇超重呢？答案是，上限廿三公斤，小弟的是廿一點六公斤，順利過渡。

下半部紀錄買來吃的與及藥物，有朋友好奇為乜買藥買到去日本？慢慢睇落去：

右手邊果支係日本電視勁賣廣告聲稱可以減磅，我買果陣純粹見係檸檬汽水，點知飲落無甜味仲有少少澀，幾唔錯，之後想再買，貴好多呀！

夜晚睇波當然買甜品，Jelly常見，呢個係呢次最好食既法式燉蛋：一來唔太甜，二來充滿蛋香而且濕潤，最底既Caramel更加得，110Yen，好掂！

另一電視喪賣廣告甜品，綠茶蛋糕中間忌廉，超肥，不過超好味！

飯糰生很知道我至愛梅味，所以這個小Jelly，超Yummy！

有眼見，我真係好鍾意梅味東西，下面呢盒未開，上面果個好過癮：咬入去好似話梅，I Like It！

因為飯糰生話日本車厘子正值收成期，叫我買來吃吃，買了這盒，味道遍淡，不像平時吃開的很甜很濃味，但很清香的。

係，上面係用黎睇波食既，食唔晒，帶番香港食。

手信一盒盒，帶返公司既即日被清貨，反應良好。

感冒藥：本身是爸爸要我買些回去，因為上一次他到日本服過發覺超掂；杜如風小姐的書也介紹這個，表示超好，於是，買左咁多。

呢樣話用黎治喉嚨痛，Touch Wood未駛用住，到時就知有冇效。

左邊呢支Sea Breeze，好鍾意：一噴，成個人涼晒，佢仲可以用作冷凍劑，即係曬傷左都用得；另一包，聲稱一抹上身有效止汗廿四小時好似塗左爽身粉，用過再話你地知。

好，之後就介紹美食，Stay Tuned！