當然，同樣在日本都有高有低，打頭陣，是之前都提過：等餐死，食落好就知道，值！無錯，小弟生平第一次到日本著名的築地市場，得到一次幾眼訓都即醒的美味經歷。
出發前一晚睇住巴西出局，然後再睇溫網男單拿度對梅利，當地時間兩點訓著，三點四十五分醒來電視見到科蘭，四點出發半條人命轉一轉車，五點半到達，目標店舖門外已經有人龍！
壽司大！旁邊不是沒有其他選擇，同樣都已開檔，就只有這間小店外面排著人龍。此店嘛，朝早五點營業下晝兩點收工，店子小小只有十二個位，無架，企我前面有廿人之嘛，店子的嬸嬸已經告訴我們：至少要等個半鐘啊！
以上相片是壽司大旁邊的咖啡店，拍下的原因有幾個：因為內裡感覺實在很懷舊很日劇，另外等著實在太無聊，更重要是無精神又肚餓差少少虛脫的情況，應該飲杯香濃咖啡會好好多。
好好好，七點鐘我終於坐定定，在這間對於我呢類身型男子是細得有點辛苦的餐廳，不過，當你食一件，望一望出面等緊的朋友，呵！
不如快快手俾你地睇我呢個3,900Yen Omakase食過乜啦！
唔係我懶，而係以上件件都好出色，當我將第一件放入口，並不因為我太餓，而係果種鮮味立即湧出！師傳非常好，識少少廣東話（呢間太多遊客光顧），話你知邊件唔駛點豉油，非常細心！當中有乜魚物魚，你地有貿趣幫我認番晒出黎，我只知道，呢個價錢，差不多三百五蚊港紙，香港你最多食到個定食，但肯定無呢種新鮮美味！
早起的鳥兒有蟲吃，你睇我食完出黎，果條人龍乜情況：
保守估計有四五十人，相信無等番幾粒鐘都唔駛旨意食。所以，當我跟同事講起我四點出發食築地市場，佢地既反應係：「駛乜咁早呀？」再問：「哦我是但食一間嘛！」
明晒啦！
沒有留言:
發佈留言