最近被困香港被困在家，朋友問：你依家最想做乜？我最想返台北！係，「返」台北。2019年下半年去過兩次，今年被封關前去過一次，所以，回憶滿滿，還是夠我寫寫頂一頂癮。
繼續住在同事位於大同區的
Airbnb，然後繼續在大稻埕附近發掘。不如，還是講吃的，這一家油飯，我這幾次去，至少都要食一餐，好味抵食程度應該算是你要我每日食都可以。
珠記大橋頭油飯，開朝七收下晝兩點星期日唔開（所以唔能夠日日食），古早味小店，先點菜，俾錢，囉完入去慢慢食。睇過餐牌有乜先：
一眼睇晒，咁當然，有其他小菜啦，都係咁平架喇！本人第一次呢，就比較貪心，叫左咁樣樣：
首先，鹵肉飯，右下角果碗，廿五蚊台仔：
鹵肉唔駛多，加埋下面既油飯，就咁食，你已經覺得好好味好滿足！都未講咁平！不過正確食法，一定一定一定係將荷包蛋放上去！
蛋汁爆出，再撈埋食，你話又點會唔好食！
然後一定要點就係焢肉：
必頻半肥瘦（黎得旅行就食好佢啦），四十五蚊台仔，岩岩好，滿足到不得了。鹵筍絲好食既不過之後我就無叫，因為太飽，而魚丸湯係一定要點架播！
岩岩果次二月頭去，凍，食埋呢一個早晨全餐，元氣滿滿呀！
（好掛住台灣呀嗚嗚）
另外，去年年頭無去到，終於俾我去過
迪化207博物館！原址乃一棟建於1962年的三層樓老舊屋，前身是藥舖，後來由陳國慈老師將之購入活化。其實陳老師是香港人（這是我參觀時義工阿姨告訴我，他在台灣已經將很多老舊建築活化！
當時地下兩層正舉辦台灣涼食展覽，所展出的用品呀廣告牌呀飲品瓶等等，很有那些年的味道。
整埋呢舍大稻埕食涼地圖係咪睇完即刻可以去食呢！
三樓，常設介紹廿五個老屋活化建築物，而此層這個窗邊位置，很有懷舊的味道。我當日就買了一本老屋創生25帖，因為好喜歡了解此種將古舊建築物活化企劃。
一定要上天台！有圖有真相！
此博物館真係好值得一去，你要呃like影相都大把你影呀！
沒有留言:
發佈留言