最愛的台北：那個渣男

二月去的時候，第一晚睇完Serrini之後未食野，番到大同區就一心去搵渣男。渣男，係一家於台北有四家分店既酒吧，新派手法賣滷味，我未食過，係見過有網站介紹。

結果第一晚食完，過兩晚又約同事再食，咁就證明呢個渣男係好野。我係去中山店既，絕對值得你地bookmarked然後下次去試。

裝修簡潔，「渣男退散」是有下聯的哈哈，而我最鍾意，就係全店播「我果個年代」國語失戀情歌，分分鐘越坐越聽越傷心。

講番食先，第一次，我比較貪心：

係，一檯都係，就算佢話我知十五分鐘後Last Order與及無晒烤物。堅好食，而且滷味以外的麻辣係又麻又香！

左上角，紅油耳絲，即係豬耳，又爽又辣開心到不得了！然後下面果碟係百葉豆腐，鍾意質感與及配上辣醬，一流！仲有，牛肝連，此店牛出品極掂！

香Ｑ牛筋比肝連更好！而另一張out晒fo既係必點手拌干絲！麻辣豆乾絲，食到停唔到口！

特製乾麵，麻辣乾撈烏龍麵，配上叉燒滷蛋，一邊越食越辣但好過癮！甜不辣，完全無想像過甜不辣咁整，因為此店麻辣醬太好，仲有醃菜，點停到口呀！另外要介紹，此店有好多手工啤酒，我就點左洛神花，好鍾意！

第二次，與同事一齊去，呢個薑汁蕃茄，有薑汁砂糖加醬油膏，同事話係非常台灣南部食法，佢係大讚既！烤咸豬肉，咪講笑，睇番都流口水，一定連蒜片食！

大腸，滷得入味又肥瘦適中有咬口，好得！牛三寶拼盤，牛筋牛腱片與牛肚，都話囉，牛真係無得輸架！

油豆腐與涼拌豆芽菜！

其實當晚有飲雞尾酒既，太過out fo唔貼喇，係有趣而好飲既！

原來有一家店係小巨蛋附近，咁下次睇完演唱會，知到去邊開餐喇！