北上吃的事情：四季民福

從都都覺得北京給我的感覺比上海好，可能是沒有那麼緊張，高樓大廈比較之下亦沒那麼密密麻麻。這次也要到北京工作，因應去年乘坐內陸機的經驗，這次坐高鐵舒適得多，而且還可以一邊工作。

到達飯店都已經下午三點多，那時北京還熱，進入酒店房間桌上放了兩封信：一封是通知從十月十三日到十一月初，酒店配合國家乜乜乜所以要維修暖氣系統因而冷氣亦不會提供，只會抽室外空氣進房間；另一封，這星期酒店會進行外牆清洗，所以早上九時到下午四時請不要開窗。究竟，當晚我會唔會熱死呢？

未揭曉之前，同事帶我到一家叫四季民福的餐廳吃飯。到達時四點多五點，客人還有不少，但不用排隊直接坐下。

 

北京用餐，去年差不多時間，餐廳都會先送上棗子，不過此店就比較浮誇咁解。另外，此店之老北京酸梅湯的確好唔錯的。

 

 

片皮鴨又無乜理由唔食，呢度，半隻，師傅即場起皮與肉。可惜麵餅皮太過濕，其餘無投訴，唔錯唔錯。

同事選擇，我都發覺好好味，火燎鴨心，香口而不過份重口味，鴨心爽口，質素顯示師傅的確好唔錯。

 

呢道叫傳統炖吊子，好好笑，端上之時同事問：真係我地既（因為太似食過）。此道乃用上豬心豬肝豬肺豬腸，用特製醬料鹵成。由於本人好鍾意食牛雜之類，所以呢個仲帶微辣，我係非常之喜歡。

 

宮廷砂鍋爐肉，用上鴨高湯煮黃牙白加滷豬肉，首先個湯甜到不得了，再加上唐芹及少許辣椒油，係好好食既。

 

呢個係我點既燴烏魚蛋湯，好有趣架！主要材料係烏魚蛋，香菜，胡椒粉，醋與及油，所以係酸酸辣辣，而烏魚蛋好似花瓣咁係湯裡面，靚又好飲！

 

本人太愛碗豆黃，此店的碗豆黃亦好好食！另外呢個係柱花豆腐，一般，桂花糖漿太甜了！

此店係好唔錯而且平易近人，所以，我地五點幾食完，而經好好好好多人排緊隊喇！