強颱東京之旅：高貴燒肉與居酒屋

實在很忙，忙到去完兩個biz trips先寫埋最後一篇東京之旅，實在非常抱歉。話說去東京都會找找老朋友，今次亦約了飯糰先生食飯。

唔知仲有幾多人記得佢呢？佢非常之好仲逆齡成長越來越後生俊俏，睇怕好快可以正式係日本出道成為Johnny's Juniors一員。佢先約我同朋友去原宿食燒肉：原宿燒肉Kintan！

佢介紹得肯定好啦，此店裝修簡約以木色為主，坐得非常寬倘。主打應該係熟成牛，而且稀有的牛的部位。

 

首先，每人黎個海膽蒸蛋先啦！究竟係海膽滑定係蛋滑呢？

 

和牛壽司，若果牛肉高質的話，配海膽配松露都一定好食的！

同樣地，整Carpaccio，除左要料靚，醬汁調得好都非常重要，呢個，好高分。

 

我除左記得圖二係不同既熟成牛舌之外，其餘兩款係乜部位實在唔記得，總之，有圖有真相，放入口果種開心法，真係無法形容。

 

 

後加呢兩款，特別後者配上蛋液食，真係唔知點話你知好味。

咁當然啦，呢餐咁高質，價錢都幾高既，不過又唔係好夠飽咁。於是飯糰San就帶我地去居酒屋喇：鳥良商店至出名係雞翼，我竟然未去過！

 

裝修好有型，而且係好多日本上班族Happy Hour好地方！

 

雞翼實在太好食，可以揀大中小辣，我就記得唔算好辣，不過實在惹味。

極邪惡既芝士炸雞，同韓國完全唔同，好食到你唔記得乜野叫肥。

 

仲有刺身既！我極推就係呢碗雞湯燴麵，個雞湯真係好濃，堅好味！

佢都有幾家分店既，大家去日本，真係要食食呀！