滇道位於康定路，那邊不算熱鬧，四周都有民居。這頓飯我吃得很快樂，除了跟他們每次見面都很快樂之外，吃的也是非常出色的。
呢支，大理啤酒，食得雲南菜，乜都要試。味道偏淡，易入喉。
點解要飲啤酒，因為要食辣！首先呢一道係傣味涼伴鴨爪，又麻又辣，調味非常惹味，鴨爪唔會過軟仍然有咬口而且非常入味，絕對係可以食多碗飯。
呢一道叫「老闆娘至愛醃菜炒肉，家常風味，咸酸菜炒豬肉，無喧賓奪主既調味，非常開胃的一道菜。
哈尼嗆香雞，去骨，秘方醃製，蒸熟，再油炸至外酥內軟，然後將炒好既蔥料蓋上即成。聽落簡單，但真係做到香口酥脆，啖啖肉，好不容易。
小米辣牛肉，用薄荷及辣椒炒牛肉，似泰式生菜包，好味，不過可以收汁做好少少。
傣族風味炒土豆絲，熱既，好食架，只不過因為其他太好食，對佢印象比較淺。
其實可以選幾款菜黎清炒，但勇於試新野既我堅持點呢個：清炒板藍根。大家唔舒服食佢就多，我諗我都未見過原來係咁既款既植物。菜本物有少許苦澀味，唔特別抗拒亦唔特別喜歡，同自己講，一定有益既！
講左咁耐好好送飯，但原來我唔食飯而點左雲南米線！因為成日食雲南米線，當然想試試正宗係點啦！酸辣但溫和，味道豐富而不油膩，米線質地比香港食既都好。
其實肯定好飽，但朋友話，呢個甜品一定要試（因為原先另一款無左）！雲南冰粉，清甜帶微酸，好涼快，好好食啊！！！！！
由於上年同今年呢對夫妻都堅持請客，我已經決定，來年一月台灣見面，我一定要請客！
沒有留言:
發佈留言