隨興台北行：落腳在落腳臺北西門町

一如以往，簽盡一張信用咭換盡老周萬里行，好容易就換到台北機票。然後，都是搵地方住。今次向一位常飛台北的朋友問問，果然有好多介紹，最後選了這間位於西門町、離西門町捷運站行五分鐘左右的A Simple Place，落腳臺北西門町。

我知道最近有不少只有一兩層位於商業大廈內的酒店，我不大喜歡，感覺不大好。這間是一整幢的、小小的。房間數目不多，但勝在簡單而體貼。

雖然你們可以從其面書可以看到很多實景相片，當然，由我說說會較好吧！位於西寧南路215號的，其實那道門並不易找：

嗯，粉紅色之下有一道很精緻的木門，那裡就是。

大堂就是這樣，坐陣的大部份時間都是Naomi，老闆娘吧！人很好的，因為，若果稍後說到訂房，也是她回電郵的。

我住的是四樓，訂的是Small Double Room，看看吧：

嗯，首先，是用Access Card的，之後出入酒店大門也用它。房很簡單，有大床一張（幾舒服架），有書桌，薯片每日有一包唔駛錢俾你食，又有水一支。仲有窗，好重要，因為現時好多所謂酒店無窗，好唔得！另外，當然有Wifi啦！你會問：雪櫃呢？房無架，六樓有雪櫃茶水間仲有洗衣機俾你用，我就好叻，三日都無上過去。

洗手間應有都有，算闊架，無投訴！

好，價錢點？ 星期五至六，NT$1,760一晚，星期日至四NT$1,540一晚。係咪好抵？不過咁，要訂房，請先電郵呢度問問有冇房：rsvn@asptaipei.com，若果有，你要先俾一晚錢，用Paypal，咁呢一晚自然俾貴左少少（因為Paypal收手續費），收妥之後佢會再傳電郵俾你確認，到時囉住Passport去就得喇！

另外要注意係：找尾數，要俾Cash唔可以碌咭。我今次就因為咁，另外有一處買野又係錯手要我俾Cash，攪到用錢要好小心。

觀乎位置，又遠離勁嘈西門町旺區又就腳，又住得舒服，我真係好得佢地，下次再去台北，一定諗呢間先！