食在太古(9)

相信應該係此系列最後一輯喇！今次介紹兩間舖頭，一間好一間可以，咁，邊間先呢？

話說散水後有日番去與舊同事賀壽，因為晨早約定，選址就係太古城UA入面既O3：

賣相好好，個湯亦濃淡適中，呢個舊幾水既餐見面禮都不錯！

呢個主菜安格斯牛柳就有少少失望喇！係，份量夠多，不過我好怕要五成你俾七成熟我，咁牛本身質素唔高，七成就好鞋口架喇！再加埋佢都收得唔平，呢個質素，唔收貨。

呢個要加廿蚊既心太軟又係失望，因為朱古力醬唔識流出黎，咁，你話點叫心太軟呢？

奶茶反而不俗！係，估佢唔到！不過總結就係，呢個價錢，我駛乜食你呢？
位於海堤街既Burger Mix，真係知道得太遲！有一日食左個下午茶，試呢個手打安格斯牛柳芝士磨菇包，啊！

首先，麵包烤過，充滿芝麻香；芝士醬明顯唔係行貨，我食到唔同芝士味，後來睇番介紹先知係兩種芝士混合出黎，有心機！果個牛柳鬆化又Juicy，我想唔到只係四十蚊左右仲有一杯熱朱古力，好好味呀！

 

舖仔細細但食物好好，記住試下喇！