一一台北音樂篇

對不起各位，昨日很想寫但，上吐下瀉，不過天對我都算不錯，我也吃吃喝喝整個月，去完旅行回來才病。根據各位的咨詢度，先寫這個，就是關於這次去台北的音樂東東。

是次買買買唱片的目的地，來來去去都是大眾／玫瑰／佳佳／五大，與及茉莉／啟元，今次更在誠品有收獲，因為他們的收藏有時比外面的唱片店更齊！

講多無謂，不如就貼一張大合照俾大家睇睇：

首先，有關誠品，竟然有旺福第一張唱片，咁我就儲齊喇！另外佢地做緊一大批唱片推介，會有折，原住民舒米恩果張我就因為聽過現場而決定買，而且有八五折播！

二手唱片方面，今次在茉莉購入蕭煌奇老師的我們的故事與及出左唔係好耐既小旺福，我仲有八五折，因為有會員卡嘛！

啟元唱片係臨走兩三個鐘無乜期望去睇睇，首先買到惡作劇２吻OST係非常開心，呢套劇係低低能能，不過歌係好唔錯，特別呢個係『湘琴版』，出面極難搵，唔貴所以即買！另一張個人驚喜發現就係周迅零三年推出唱片《夏天》，之前聽過，音樂幾唔主流；最後仲買左李玖哲零五年作品《影子》，無架，百幾蚊台幣，入面兩三隻歌我又星光大道聽過嘛。

新唱片方面，我發覺西門町既五大唱片價錢最抵！信我，行左好多間，真係佢地最平！今次買左蕭煌奇《孤獨的和弦》、魏如萱《優雅的刺蝟》與及最新EP《在哪裡》，最開心買到韋禮安首張EP《慢慢等》NT$149！

漏左？你真眼利，係呀，林凡《眼淚流回去》嘛！呢張其實係朋友早前去台灣幫我買，點知我去完台灣先囉到，多謝朋友！

關於聽音樂會，首先有朋友估我去左超級星光大道七既Final，我都想，不過邊有咁好彩，而且唔合理－－因為我星期日晚番左香港喇。其實咁，我去台北呢段時間，有A-Lin係Legacy開既音樂會，但早已賣晒飛，我搵人買黃牛又不成，殘念！之後發現河岸流言有雷光夏，星期一竟然發現突然有飛，即買，點知佢要求即日去七仔囉飛，咁當然無埋啦！

不過台北咁多Pub，又點會失望而回呢？我星期四晚直闖EZ5，因為，有好野聽：

每晚九時四十五分均有歌手駐唱，每節四十五分鐘，每晚三位。收費位位七百台幣，包兩杯飲品，可以含酒精，呢間Pub唔俾影相，呢方面比較老土。

當晚首位歌手，辛龍，唱左好幾首歌，個人認為佢唱英文與及拉丁文歌好好聽，不過佢唱李宗盛既鬼迷心竅又好似播！

第二位，最主要黎聽佢，金曲歌后紀曉君！她首先向我們抱歉表示自己吊了兩天點滴，聲音根本不在狀態，但因為知道很多朋友特別來聽她，也不好意思請假了。不過我這次的親身感受，發覺高手就算功力並非十足，都有能力駕馭不同的歌曲！

她唱了七首歌，首先唱了李泰祥的作品告別，然後是她好幾首出名的作品：野火、彩虹、神話與及流浪記，特別一提是神話最近在台灣大熱，因為有汽車廣告拿來作廣告歌，我有日在誠品也見他們特別入了很多張她的唱片；另外彩虹與及流浪記真的唱得很感人。之後她還唱了張惠妹的真實與及拉丁文歌Quizas Quizas Quizas，只能說，這個狀態也唱得如此精彩，她真的很會唱！

她唱完之後最後一節是超級星光大道第二屆冠軍賴銘偉，他真的很會攪氣氛，而且唱得也很好，他還拿著結他自彈自唱，不過好幾首我都不認識，只有愛你的只有你和我、我要我們在一起與及愛很簡單，最後他以搖滾方式唱了我只在乎你。

EZ5好像不久將會舉行廿週年演唱會，我沒有細看內容但肯定有黃小琥就是了。

下一篇，一定談吃的。