寧靜優雅的中區午餐：Circa 1913

藝穗會，可能有人會覺得高不可攀，又或者是勾結國外勢力的地方（外國記者協會餐廳非常好食不過我唔係會員囉）。除了看表演或展覽，原來有一間環境清靜、裝修雅緻，而且食物水準很不錯價錢亦合理的餐廳。

Circa 1913乃一家西式日本菜餐廳，選址在藝穗會一樓，晚市當然有番咁上下，不過午市HK$228（當然要加一），的確又非常值得去吃。不如先睇官方拍條宣傳片：

幾位同事請我在這裡吃生日飯，預先訂了位。午餐選擇不多，湯、前菜與甜品都定好了，主菜有三款選擇：Pan Seared Saikyou Shiro Miso Cod with Rice、Wagyu Beef Rice Bowl及Octopus and Crab Meat Tomato Linguine 。未講食，先講餐具，好靚。

當日得到甘筍忌廉湯，不算濃稠但味道很好，加入青蔥粒及紅椒粒，用上精緻的餐具，好喜歡。講到喜歡，現場環境又是否如官方影片一樣呢？

 

丫唔知點解當日星期五都唔多人。

湯之後的前菜，好驚喜：

 

打開盒子，內藏刺身！先介紹一下刺身吧：有帶子、北寄貝、三文魚、油甘魚。新鮮的，而且級數也不差。

而炸物精選就深得我心喇！

 

炸大蝦，明太子雞翼與及炸秋葵，每件都炸得很有水準，炸漿薄薄，沒有將食材鮮味蓋住，當中明太子雞翼，好掂呀！

至於主菜，我地四個人點左兩樣：

 

京燒銀雪魚，我試左少少，好味！當然不能不讚，擺盤靚到咁！至於和牛飯，以為好少，實質食落係滿足，而且和牛級數不低，煮得剛剛好，配上紫菜蔥花及菊花瓣，視覺與味覺的享受！

 

甜品，係做到好似海膽蒸蛋既法式燉蛋，又係又靚又好食，連埋杯靚咖啡，無得頂！

想講就係，午市，四十八蚊就可以飲到一杯：Sapporo Beer, Jean Loron Chardonnay, Burgundy France, Jean Loron Pinot Noir或者 Burgundy France，若果唔係下晝要開會，真係點都飲番杯！

我唔知佢Menu幾耐轉一次，但呢個價錢呢個環境，無論拍拖、同事聚頭或者business lunch都非常值得一去！

[P.S. 有朋友話我知，餐廳面書寫左一段咁既野：We will be closed to the public from 27th of April 2019　The restaurant will still be available for private functions　究竟仲有冇午市，你地打去問左先好去喇！］