這店是當地同事介紹的。當晚下著雨，我跟總公司的上司一同前往。跟他關係很好，什麼都可以聊，所以我絕不介意一起吃晚飯。
當地同事表示這家
Changgo43，韓牛很高質，而且店員會替你處理，絕對不怕烤得不好破壞應有的好吃感覺。另外他們提醒我們，一定一定一定要點吃到最後店員炮製的泡菜炒飯。
裝修闊落，但沒有距人千里的感覺，所以我們一邊吃也聽到有韓國上班族一大班吃得喝得大呼小叫的興奮。此處烤韓牛有幾個級數，我們點了最好的兩款：Changgo Beef Special，39,000W 150g，另一款是Special Beef Tenderloin，47,000W 150g。不如睇睇個款先啦：
邊件貴D呀喂？第二幅果塊貴過第二塊，咁店員亦好好，先處理無咁貴，再食貴果件。不過又介紹一下韓國餐廳最令人期待之一：前菜。
圖一，果個泡菜蘿蔔粒係好食到停唔到！蔥沙律清爽，前面大大塊呢隻葉，我睇韓劇就見得多，食就第一次，好得啊！洋人同事更家從此愛上，但我答唔出係乜野葉。另一邊，高麗菜都好好食，辣椒我有學韓國人原條趙，頂得住呀，其實唔係咁辣。
店員烤至五成熟，放上馬鈴薯片上避免過熱等我地食。呵，唔係講笑，一放入口果種香氣真係不得了，加少少喜馬拉雅岩鹽已經好好，我試過同蒜頭一齊食又好得播！用大葉包住食（阿姨教既）又係好食播！再貴果隻有乜分別？有！牛味更濃，油脂分佈平均好多，所以係值得更貴既！
生牛肉我係唔會唔點既，呢個除左砌得靚，重點係牛更靚，無筋的話又高質，點會唔好食！
好喇，重點黎喇！泡菜炒飯是什麼一回事呢？
首先將泡菜汁與蘿蔔粒煮熱，加入飯吸盡泡菜汁再與醃蘿蔔粒混在一起，加入蔥段再壓實，之後就你一羹我一羹，果種好食法，係我依家寫番都好掛住，直頭我同同事講：黎呢度淨係食呢個都值（仲要呢個唔貴播）！
我諗下次首爾出差呢一間真係無走雞架喇！絕對推介！
沒有留言:
發佈留言